ابني يسرقني.. ماذا أفعل؟

اخ بو فارس.....مساك الله بالخير والسرور.....
بصراحه شكل الولد سنه زياده ويصير تاجر مليونير بالنسبه للي في سنه..asdr)


أنا راح اقول رايي بالمشكله ..بالتقسيط المريح....واسمح لي على عدم تجميع ماهو بعقلي بالطريقه المفروضه.(ترى ماني دكتوره بهالامور....بس كان الله في عون العبد ماكان العبد في عون اخيه)

أولا :الطفل عمره 10 سنين.
ثانيا:لايسرق إلا من ابوه وامه وخواته.
ثالثا:لاتهمه نتيجة سرقته في المرات القادمه(يعني وش بتسوي فيني يابتضربني يا بتطلعهم مني وكله واحد ..)

1- بما انه ولد وحيد بين خواته والثاني اصغر منه..ممكن هنا يحب يظهر بأنه رجال ويمتلك أموال مثله مثل والده.(يعني رغبه في تكوين شخصيه قويه بطريق خاطئ)... بالرغم انه مازال صغير وهذي الرغبه هي من رغبات المراهقين وليس ابناء 10و11سنه(أقصد تكون الشخصيه القويه)...بس لازم نعرف حاليا صاروا عيال 10 مثل عيال ال15سنه نتيييييييجة العالم الصغير والمنفتح.


2-الولد في هذا السن يعرف مفهوم((هذا ليس ملكي ..إذا ليس من حقي)) والدليل انه مايسرق من خارج محيط البيت(سبحان الله)..!يعني المشكله الاساسيه احتمال كبير انها تكون بالبيت(وانتو ادرى باللي يصير بالبيت ) بما ان له اخ صغير يمكن اهتمامكم بدون قصد تحول إلى الاصغر فتصرفون عليه أو على خواته الاكبر أكثرررر منه. .............

طريقه مبدئية للحل لانك اكيد تنتظر الحل.
1_حاول تخصص له مصروف شهري بسيييييط يناسب وضعكم المادي ..وتشتري له بوووك(محفظه صغيره ) يحط به فلوسه. ..... وشرط انك تقول له اش رايك تجمعهم لغاية الشهر الجاي وبعدها نطلع على السوق ونشتري بهم اللي في خاطرك....حاول ان تقوم انته بنفس تصرفه حتى يأخذ السلوك منك.(يعني انت وهو تجمعون لكن كل واحد لحاله).............وبهذي الحاله راح يفهم ان طالما عنده فلوس فهو ليس بحاجه لفلوووس غيييره لان ماعنده ربي يزيده .

ملاحظه اخوي بوو فارس(هذي المسأله تحتاج تدرج.يعني بالاول مصروف اسبوعي وبعدها وشهري وبعدها...الخ علشان نقدر نشكل له سلوك جديد ويدوم لمده اطول)



ماعليه الكلام غير مكتمل ولكن اكتفي بهذا القدر حاليا لاني مو مصحصحه عدل ..بس حبيت اقول من اللي عندي علشان ما انسى......وأكيد بإذن الله راح تكون لي رجعه ومناقشة وحلول .[س مرة ثانيه.........والسموووووحه.bgfgt)

سؤال ربي لايهينك:هذي مشكله خاصه ولا تعني بشخص آخر(آسفه على الفضول )مدري من التعليق الاخير تخلبطت.

شمس