يسأل القوم عن (حكيم) أين ديرته ؟!

عاشق النماص
وضواحيها

قد يكون صمتي ابلغ من شعري
في التعبير عن تقديرك واحترامك
الذي هو في قلبي وفوق راسي
ولكن عذري
انك تقبل
تقصيري
فاسمح لي أن أقول :
يا مـــــرحبا ترحـــــيبة من هواجيس
يا ذيب يا ابن الذيب يا نسل لجواد
أعـــــرفك منت اللي بخلف المتاريس
انته رجـــل وافي ومن راس عـــــــواد
أعيال عود كـــــــــل أبيكم قــــــرانيس
ولـــــــكم على العـــــــدوان رده ومركاد
يا مـــكرمين الضيف والمــــــال بالكيس
انتم على فــــــعل الـــــــكرم دوم رواد
ما يجــــــهل الوافي يكـــــون المتاعيس
اللي عســــــــــاهم في جهـــــــنم بمقواد
شــــــعرك عـــلى راسي مثيل المقابيس
ما ني لفعــل الطيب يا خـــــوك جحاد
مـوسس علــــــــم الوفــا فيك تاسيس
واكـــــــــرمتني ونته ..بتقدر ومعتاد
ان كان شــــــعري ما يطول المراويس
وش عـاد با سوي بشعري ولو عـاد
وش عـــــــاد واشنطن ولندن وباريس
شوفاتهم حدر القـــــــــــدم ما هن ابعاد
انت الذي في ساعة الــــــحرب قد قيس
والموت يوجـــــــــــد عند زرفات الأذواد
وانا لون تحت القــــــــــــــدم كل ما قيس
اذا طري لي صـــــــــــــــــاحبي فوقها زاد

انشهدك انك فوقها كلها !!
وعذري في تقصيري
أن مشاعري تجاهك اكبر من قصيدي
وعسى ان اكون وفقت فيما دونت

أخوك
الذي يحترمك بصدق
حكيم المنتدى
VANCOUVER B C
Aug 28 2010