ضابط يضرب زوجته بسبب الـ (بلآك بيري)

المشكلة ان رتبة الضابط نقيب يعني غريبة انه يسوي كذا لان الي رتبته نقيب يعني يكون واعي شوي وفاهم وفي قمة العقلانية بس الله اعلم البشر يختلفون اكيد .فالي فهمته من المشكلة ان زوجته اهملت بيتها وعيالها بسبب انشغالها بالبلاك بيري وفعلا لان البلاك بيري يشغل الي ما يعرف الشغل من ايميلات ورسائل وماسنجر يعني الله يعين الي يشترية وانا الحمدالله ما شريته وما طرى لي والمسكينة هذه انا اتوقع انها ابتلشت فيه والصراحة انا ما احط اللوم عليها احط اللوم علي حضرت النقيب لانه هو الي سمح لها تشتريه لانه اكيد يعرف مميزاته وبلاويه عشان كذا المفروض يكون حريص على حياته واستقراره الاسري ويمنع زوجته من الجوال هذا ويتفق معها على االحل الوسط الي يرضي الطرفين بحيث انه يكون عنده وعندها نفس نوعية الجوال او اي جوال مثلا غير البلاك بيري طبعا ويستغنون عن اشياء كثيرة في سبيل راحتهم وسعادة حياتهم الزوجية لانه ماهو معقول انه يطلق زوجته لا سمح الله بسبب بلاك بيري هذه والله مصيبة ومن اكبر المصائب فالنقيب اخطأ خطأ كبير يوم ضربها كان المفروض انه يستخدم معها اسلوب التفاهم يعني كان المفروض انه يوضح لها انها مشغولة عن البيت وعن العيال وعنه هو شخصيا بسبب بلاك بيري بدون ما يرفع صوته او يتهما مباشرة بأنها كانت تتكلم مع واحد مثلا عن طريق دردشة البلاك بيري فانا اتوقع ان هذه احد المشاكل والله اعلم لازم انه يتأكد ويتصرف التصرف السليم ....اما من ناحتها هي برضه اخطأت أكبر خطأ انه جرت نفسها الى المحاكم لأنها وضعت نفسها في دوامة صعبة كان على الاقل تروح الى قريبتها وتجلس عندها شهر شهرين حتى تهدأ المشكلة يعني روحتها عند قريبتها ارحم من الروحة عند المحاكم وهو بنفسه اكيد بيروح يرجعها وتكون هي عرفت خطأها ويكون هو عرف خطأه وبكذا تكون انحلت المشكلة بإذن الله وترجع حياتهم طبيعية .... اسأل الله ان يصلح بينهم ويوفقهم وان يكتب لهم السعادة الدائمة بإذن الله . أسأل الله انه لا يبلانا بمثل هذه المشاكل وغيرها
اتمنى ان يكون حلي صحيحا وفي محله وانا انتظر الانتقادات اذا كنت مخطأ .......والسلام عليكم