الصيف بدون زوج وزوجه ((((( احلى )))))

بسم الله الرحمن الرحيم

الصيف بدون زوج وزوجه احلى ...

هذه العباره التي تتداول هذه الايام وبشكل قوي ....

الشباب يسولفون ........

الاول : والله المدام راحت عند اهلها تصيف معهم , مساكين ياشيخ خلهم يستانسون .

الثاني : المدام طلبت مني تبي تجلس عند اهلها شهر عشان ما شافتهم , وخليتهم يروحون عشان تشوف اهلها .

الثالث : قلت للمدام وش رايك تسلمين على اهلك وتجلسين معهم الين اجيكم بعد شهر , والله زين سويت .

الرابع : الخامس : السادس : و و و....................... الخ.

الشباب صارو عزابيه وتغيرت السوالف بعد اسبوع من الفراق :

واحد يقول امس كنت على الشات ونقزت وحده على المسن وواحد يقول رحت البيت وانا طالع الدرج سمعت صوت جارتنا وهي تنادي الشغاله ووواحد يقوال كنت في السوبرماركت ومشغل البلتوث والنك (( فاقد حنان )) .

وبعد الاجازه وقت اللقاء :

الزوجه : أكيد ياقلبي أشتقت لي . (( تبريح لطفره ماديه بعد الاجازه ))

الزوج : هاااه ايه صح اشتقت لك ياعمري . (( نصاب كبير وخاين ))

الزوجه : والله طول الصيف وأنا افكر فيك (( نصابه ما غير سهرات وتمشيات لما الفجر ))

الزوج : تصدقين ياقلبي إني اقول وين زوجتي اللي كانت وكانت الله . (( مجامله عشان تخلص السالفه ))

الزوجه : أبشر ياقلبي أعوضك اللي فات وأطلبلك من المطعم أحلى عشاء وألا وش رايك نروح نتعشاء بالمطعم . (( نتائج التبذير والجدول السابق خلال الاجازه ))

الزوج : فكره حلوه يالله . (( ياليل ردينا على طير ياللي ))

أنصح بالصيف الجماعي والاسري ما أحلى ان تكون المرأه مع زوجها هي وأطفالها في سياره واحده وفي بيت واحد ينتقلون من مكان الى اخر بنفس طيبه وروح عاليه وحب واحد .


ــــــــــــــــــــــــــــــــــــــــــــــــــ ـــــــــــــــــ

سوف لن ازرع هذا العيد شجره

يعطيك العافيه


موضوع ممتاز وهذه الايام تحصل كثيرااا

من اسوأ ما تفكر فيه الزوجة خاصة المشغولة بعمل او دراسة طول العام ان تحاول قضاء الصيف بعيدا عن زوجها بحجة انها اشتاقت لاهلها والا ودها تفك عن نفسها شوية بعيد عن المسؤوليات والغثا
وينطلق سي السيد بحثا عن فلة الحجاج في الدول القريبة حسب الميزانية وما استطاع اقتطاعه من راتبه بعيدا عن ايدي العيال وامهم
واذا كان فيه اولاد كبار تحججوا بالترم الصيفي والبنات بالدورات والعائله هاتك يا هجهجه
الام والصغار والشغاله عند اهلها
والبنات في البيت مع شغالة وسواق
والاولاد مشغولين في تمتير الشوارع ليلا والخمده طول النهار
والاب لقيها فرصه وفل مع شوية شيبان اغلبهم متقاعدين ونسيوا الماضي اللي يغيظ وروحوا للمستقبل المشرق مع الماء والخضرة والوجه الحسن

للاسف اصبح الصيف للتشتيت
المشكله ان كل المدن ازدحمت
المطارات اختنقت
الاسواق لم تعد تتسع للمزيد
وهذا هو الصيف

سبحان الله ما اسرع الايام

العام الماضي كتبت موضوع بنفس الفكره وتكررت الحاله مع ابن جارنا الذي تركوه اهله في البيت وهم راحوا مدري وين
وهو استلم البت وسواه صالة ديسكو
الموسيقى ما توقف الاقبل اذان الفجر ويكمل عليها احيانا بالسيارات اللي برا البيت وسماعاتها تصحي الاصم
نفس الحال هذا لعام
لا الولد عقل
ولا اهله انتبهوا
ولا احد من الجيران قال له عيب ياولد

يالله
اعذرني على هذي المداخله لان صوت راشد الماجد من سماعات جارنا سببت لي صداع فكتبت
وعلى الله االاتكال .

القرش الصغير

شكراً إلك


ذات الشان

كان بودي اني اقص الرد بتاعك وأسويه موضوع مرور مميز

شانق صدام ؟؟؟؟

يعطيك العافيه على الموضوع الذي لم أقرأه ... بسبب ظلام حجب رؤياي منشأه أحرف شانق صدام ....؟؟؟؟؟؟

يا اخي بالله حاول تغيير هذا المعرف ... ليس لاجل صدام .. ولكن لاجل شانق صدام .. فشانقه : شيعي رافضي .. يلعن ام المؤمنين عائشه رظي الله عنها .. ويلعن سيدنا ابو بكر وسيدنا عمر وسيدنا عثمان .. واغلب الصحابه الكرام رظي الله عنهم

واااسفيت على الازعاج ... تحياااتي

ابو غرم
حياك وبياك الله
المقصود بشانق صدام هو (((( الحبل )))) فقط