جبـال تطولهـا وجبـال بعيونـك تخايلـهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا


لياجاتك تعذّرهـا مـدام العـذر لـه مدخـال
ووقت الجد قول لهـا الصحيـح ولاتجاملهـا


وخذ منـي نصيحـة لاتصـدق كـل ماينقـال
يجـرك للنميمـه ليـن يطرحـك بحبايلـهـا


يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا


يبـرر بالحميـة والصداقـة شينـة الأفعـال
يجمّـل صورتـه بعلومـه اللـي ماتجمّلـهـا


ولو كانت حمية فيك رد المخطيه فـي الحـال
ولاكان إستمعها فـي قفـاك وجـاك شايلهـا



كلام درر ...

سلمت يمينك على جمال الانتقاء ...

اتمنى حضورك هنا وتشريفك للقسم وامتاعنا بجمال اختيارك ...

كل الود