واحد أنتيكه يشرح معاناته مع ورقة المقاضي ...‎

ياعااااااااالم قسم راحت حياتي أوراق صغيره . جيوبي مليانه .. كل ظهرية وبعد صلاة العشا ، طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..
المشكله وشي ؟ .. المشكله إني أقرا طلبات مالها داعي بس مجبور أجيبها . دراق / طماط/ بقسماط/ برغل / واخرتها مانلقا على السفرة إلا كبسه وإن سوينا نفوسنا كنديين حطينا فجل هههههههههههههه طيب هالبقسماط والصولجان وبقية الأسامي الصعبه لمين??
طبعاً لخواتك إذا جوا يوم الربوع ونا ياغافل لك الله طقني الجوع مع أبو شايع وأبو عبدالله وإن سوينا فيها فجور وكااااااش أرسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي ...

مره سويت فيها ذكي وبعد ماقضيت لمرتي يوم الربوع قلت بروح للشباب .. وأطب على المدام بدري ... واحصل خواتها عندها وتوهم حاطين العشا ... يلعن أم الكااااارثه .. أخيراً شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان إلى درجة انهن حاطين سيكل جنب السفرة علشان إذا وحدة بغت صحن من طرف السفرة يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ..

المشكله إن مرتي تعاملني على أني أبلة تدبير منزلي وعندي خبرة ، وانا والله ما أفرّق بين الملوخية والكزبرة ، تقوم تكتب لي مرة في الورقه كيلو كنافة كذابة هههههههههههه قسم تروعت وش ذا الكنافة الكذابة , أنا أعرف الصادقه يوم أعرف الكذابة ??
وأروح البقاله ما لقيتها .. إتصلت بصديق قال رح لمحل حلويات .. وأروح وانسى إسمها وأقول لراعي المحل عطني كنافة نصابة هههههههههههه ناظرني بأحتقار وعطاني أشكل بدل مايعطيني كنافه .. في الأخير رحت عنده وقلت يا اخي معليش أنا نسيت إسمها بس إنها كنافة ما هيب مضبوطة يعني كنافة كافرة وبتروح النار ... ضحك قال قصدك كنافة كذابة قلت ايييييييييه هذي ابي منها كيلو .. زحمة وكنافة كذابة واخرتها قطعة خبز لاعبين علينا وحاطين عليها شيره هههههههههه ..
وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها إلى درجة أن ابوي أضافها في دفتر العايلة لأنها صارت جزء من العايله ووحده مننا هههههههه ...
الله يحفظ الوالدة .. ورقة المقاضي حقتها ماتتغير علشان كذا ما نرميها أنا حاطها في المفضلة لأنها هي نفس الطلبات كل يوم بصل/ طماط/ رز/دجاج/خبز/ وإذا بغت تسوي نفسها كيوت إستبدلت البصل بثوم وإذا ملينا وبغت تجدد فيها حطت الرز قبل البصل والخبز قبل الطماط .. والله إني عشت عمري كله وأنا نفسي أكل شي جديد وخاصةً ذا اللي يقولوه أومليت إلى درجة إني سكنت في فندق مره علشان لقيت في القائمة أومليت مادريت إنه بيض !!!
المشكله ماعندهم رحمة .. درجة الحرارة في عز الصيف ألف وانت تطامر من محل إلى محل وبمعية سموك ورقة المقاضي لو تجيب العثيم كله وتنسى شي بسيط قامت القيامة ولازم ترجع وانت أصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري ..
الحين تجيك المقاضي مسج على الجوال والله إني أبغا أصيح إذا قريت رسايل جوالي ورسايل جوال اخوياي .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) ( الله على الجمس الأول وارد الستين ) << رسالة داخله بالغلط أبوه شريطي ههههههههههههه ... وانا تعال شف رسايلي ( حليب سريلاك .. ) ( أرجع بدري نبي مويه ) ( وانت جاي جب أعواد أسنا ن ) أعواد أسنان في نص الليل الله من الأعذار بس ..
وما قطع قلبي ونكد علي حياتي إلا إذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبرة ولا خبرة رابحة وانا والله من أول كنت أحسب البندوره هي البطاطس ههههههههه ..
مناسبة هالموضوع إني رحت اليوم بعد صلاة الجمعة ومعي كالعادة رفيقة دربي ورقة المقاضي طولها حوالي 7.12 متر ويوم دخلت بنده والقا زحمة وانا إللي تصعب علي نفسي واتمرد واشق ورقة المقاضي وارسل للمدام رساله أقولّها إني تمردت وقطعت الورقه ... جزاها الله خير تفهمت الموضوع بشكل حضاري .

من أيميلي ...

أول شي يسعدني إني أول من يرد على موضوعك يالغالي
والحمد لله على سلامتك ..

فكري وأنا أقرأ الموضوع إنه غلا...ي راعي العلم لكن أخبره مرهف وصاحب إحساس مع جنس حواء اللطيف
بس يوم شفت من ايميلي في الأخير تأكدت فعلاً إن المدام لو كتبت ورقه طويله ولا قصيره ما بتقول إلا من عينيييه
يا أم الغالي ...

مايستفاد من القصه وبطل القصه
إنه صادق والله إذا رحت في رمضان الديره وتجمعو النسوان
ماشاء الله كل وحده تكتب طلبات ماقد سمعت بها في حياتي >>> عزابي وأقرب كبسه ولا حبة تميس خخخخخخ
وإذا خربناه مره مره تونه وقشطة وطحينيه خخخخخخ الله يديمها نعمه

بس ورقة المقاضي في ظهرك في ظهرك
ويمكن بعد فتره تلاقيها بالإيميل يعتبرون الورقه والجوال موضه قديمه >>>> تخيل عااااااااد ههههه
المهم المهم يا صبايا
ياللي تكتبون أوراق المقاضي خافوا الله في اللي بيروح يجيب المقاضي
لأن كثر الطلبات تجيب وجع الرأس بالذات إذا كانت ما تتوفر في بعض المحلات
ويقعد يحوم وعاد ينفقع قلبه وفي الأخير ما يلاقيها ولا ما عرفها هههههههههههههههههههه

غلا.........ي
منور قسم الإبتسامه وهذه زياره بعد فترة أسبوع كان كله هم في هم
عسى الله يعيييييييين ...

حياك أبو مانع .. والله يسلم عمرك ..
واكيد الله يعين على هيك طلبات ...
تشريفك بالقلب دووم ..

خخخخخخخخخخ

الله يعينا وإياه هع ...
كل الشكر والتقدير يآ غلآي .,’

هههههههههه
الله يسعدك
وشرهتك على ذا يقعد سرده مرده على قولة القصبي
غلا..ي
اصدق الود
لا عدمناك

الجنرال ..
من جد الله يعينه ..
طيب الأماني ..

اما سرده مرده ضروري حبيبي ...
ههههههههههه
عود الليل .. شرفت بحضورك ..