غرام القصيد

غرام القصيد

للشاعر \عوض القوانة





جتني تجر الخطاوي مثقلتها الدروب

كن الليالي تعثّر في طرف ثوبها



تنقض سوالف شقاها ثوب وتخيط ثوب

شحّت سنين الزمان وضاقت دروبها



خيّل مطرها شمال وطاح يم الجنوب

واحترت انا بين طالبها ومطلوبها!!



مع كل ونّه ضلوعي من غلاها تذوب

لو عذبتني غلاها يغفر ذنوبها



ما اهدت عليه صباح ولا الهمتني غروب

ما خلّت الا جروح بقلب محسوبها



ومدّيت كف الغرام بكف غيدٍ لعوب

واغضيت عين الهوى عن باقي عيوبها



اسرجت خيل القوافي ما حسبت الذنوب

لو صحصح البيد فيني ضاقت جنوبها



ماهمني لوغدت حسنات شعري عيوب

لهفة قصيدي وطنها عين محبوبها



ما نيب حيٍ يخاف ان هب نسمة هبوب

ناسٍ صفير الدرايش يفجع قلوبها



احيا واموت بكرامه لو تذل القلوب

والله يفرّج هموم القلب وكروبها



ما اخطيت انا يالغرام ومن عشق مايتوب

وان كان غلطة زماني ما اقدر اتوبها



في ليلةٍ سامرتني راعبيه طروب

هاضت بالاشواق عرضتها ومسحوبها



جتني وانا في منامي حلم ليلٍ كذوب!!

احيت غرام القصيد وروّحت دوبها

لبى الاختيار ..

يعطيك العافيـة ..
تقبل مروري(:

اختيار راقي

تسسلم اناملكـ ع هذا الطرح

طير الهدهد

ننتظر جديدكـ القادم بكل شوق