حكمة الصمة .. لعبدالله الطلحي .. روووعة

يا مريض القلب مالـك عـلاج إلا السمـاح
السماح علاج موصوف لأمـراض القلـوب

والحسد والبغض والله هـي السـم الذحـاح
فتكها في العالم اشـد مـن فتـك الحـروب

لوترى الدنيا غـدت نهـب بيديـن الشحـاح
لاتحسف دام الإنسـان لـه رزق محسـوب

الحسايف يوم تصحـى وتلقـى العمـر راح
مابقـى إلا مثـل ريـشٍ تقفّتـه الهـبـوب

ماصحيت إلا على الشيب في عارضـك لاح
أشرقت شمسه وشمسك على وقت الغـروب

والحسايف يوم ليلـك يطـول بـلا صبـاح
لين تنسى كـل امانيـك واحلامـك تـذوب

ثم يوم النور يطلـع علـى الحـزم البـراح
وإن وجهك متجه شـام واحلامـك جنـوب

والحسايف يوم تتعب علـى غيـر الصـلاح
تبذل المجهـود ويضيـع بطـوال الـدروب

وأنت راعي صدق والصدق ماحقـق نجـاح
كلما تصدق بحاجـه يفـوز بهـا الكـذوب

في زمانٍ ضيّع الجـد فـي بحـر المـزاح
ماتحصل مـن كثيـر الكـلام إلا الذنـوب

لاتضيّع حكمة الصمـت إذا كثـر الصيـاح
واترك العالم يروحون صوب وروح صوب

وانظر بعين البصيـره تـرى الدنيـا كفـاح
ماتشـوف إلا معـارك وغالـب ومغلـوب

كل مافي الأرض من خف وإلا مـن جنـاح
كلهـم شـارد وطـارد وسالـم ومعطـوب

والطيور تطير في الجـو تحملهـا الريـاح
لكن طيور اللحـم تاكـل طيـور الحبـوب

والبشر فيهم هجومـي ولـو مالـه سـلاح
وفيهم اللي ساعة الجد ماهر فـي الهـروب

وفيهم اللي يـوم تقفـي يسـدد لـك رمـاح
ويوم تقبل يبتسـم لـك وطيـب ومحبـوب

في زمانك وين تلقى القلوب اللـي صحـاح
والمصالح تحكم الناس راضـي ومغصـوب

عندهـم تـرك العوايـد تـقـدم وإنفـتـاح
والصداقه عندهم لبس ثـوب وخلـع ثـوب

لـو بدايتهـا محـبـه نهايتـهـا جــراح
وانشد اللي عاش بيـن القبايـل والشعـوب

إختبرت النـاس بالسـر ليـن السـر بـاح
وإختبرت وجيه الأصحاب واعطوني الجنوب

كم صديقٍ كان في العين ومن العيـن طـاح
يوم جاء وقت الصداقه وميقـاف الوجـوب

أشهد إن الجود كالطيـب لـو تخفيـه فـاح
واشهد إن البخل عيبٍ مـن كبـار العيـوب

والطمع سارق يضوّي السرايق في المـراح
والفقر نهاب يدخـل يدينـه فـي الجيـوب

والسعي اللي قنـع مـن زمانـه وإستـراح
وإنتبـه قـدام تلعـب بـه الدنيـا اللعـوب

لو صبر صبر الجوازي عن العـد القـراح
خيـر مـن دنيـا تغـره وعنهـا مايتـوب




لشاعر الحكمة المعروف


عبدالله الطلحي الهذلي

والسعي اللي قنـع مـن زمانـه وإستـراح
وإنتبـه قـدام تلعـب بـه الدنيـا اللعـوب

لو صبر صبر الجوازي عن العـد القـراح
خيـر مـن دنيـا تغـره وعنهـا مايتـوب


قصيده تحوي حكم مفيده
يعطيك العافيه
كل الـود

الحسايف يوم تصحـى وتلقـى العمـر راح
مابقـى إلا مثـل ريـشٍ تقفّتـه الهـبـوب

ماصحيت إلا على الشيب في عارضـك لاح
أشرقت شمسه وشمسك على وقت الغـروب

سيد الموقف

اشكرك على طرح هذه القصيدة الاكثر من رائعة ...

وصح لسان الطلحي ... وسلمت ودمت يا غالي ...

وهذا الشاعر اسعد بقراءة شعره لما يحمله من الحكم التي غفلنا عنها في هذا الزمان ..

اسعدتني الله يسعدك ...

تقديري

نعم الاختيار بارك الله فيك

أشهد إن الجود كالطيـب لـو تخفيـه فـاح
واشهد إن البخل عيبٍ مـن كبـار العيـوب

والطمع سارق يضوّي السرايق في المـراح
والفقر نهاب يدخـل يدينـه فـي الجيـوب

والسعي اللي قنـع مـن زمانـه وإستـراح
وإنتبـه قـدام تلعـب بـه الدنيـا اللعـوب

لو صبر صبر الجوازي عن العـد القـراح
خيـر مـن دنيـا تغـره وعنهـا مايتـوب

روعه عسسى ربي يعطيك الف عافيه


لا تحرمنا تواجدكـ العذب

راائعه ياسيد الموقف
وبلا شك لشاعر راائع وجميل
شكراً لك وصح الله لسانه
إحترامي

سيد الموقف
مبدع ورائع في نقولاتك ومشاركاتك وهذا يدل على رجاحة عقلك وسلامت بصيرتك وسمو اخلاقك وفقك الله
فأنت فعلا وبكل تأكيد سيد الموقف
تقبل صادق دعواتي لك بالتوفيق

بالفعل رائعة ولها رونق خاص ..
كل التقدير ..