يا مباااااارك؟؟

السلام عليكم
العذر والسموحة أبا عقاب
لا زلت مشغول ولكن خذ
هذا الرد السريع إرضاء لك ,,

يا هلا ومرحبا بك عدّ نوح الحمام=
يا صحيبٍ عزيزن له قواعد وساس=
نظرتي فيك عليا ما بها مكرهيّة=
شاعر ٍ والمعاني دايم اتجودها=

@@@@@@@@@@@@

عندنا من الشعر نوع ٍكقذف الحمام=
زاهب ٍ ما يصيب الا شبيه البساس=
ما نريد التعدّي ولا نريد الهريّة=
والنفوس الزكيّة تعرف ابجودها=

مافيه الا حاضر بحاضر
البدع
هذا الليله بوسمكم بناري وسام
لين اعرف الذهب والفضة امن النحاس
يقولون انت شاعر ومبارك خويه
والهزيمه لكم والليل تسروبها

الرد
يا رخيص الثمن وايضا قليل الوسام
ما ابغي ادمرك ولا نحيس ونحاس
الجمال العوافي ماهي المنخوية
طالعو في قوافلها وفي اسروبها

انت ما تقتنع حتّى تشوف الحسام=
والشياطين بالاذكار تجفل خناس=
وجهك اللي تلوّن مثل لون الشويّة=
نارنا كايده وتذيب محسوسها=

@@@@@@@@@@@@

لي معك موقفن ثابت شديد الحسام=
حتى تعرف وتوقن ان للمخ ناس=
كان تصبر وانا خو كل طايع شويّه=
لكن الشعر له ابيات وان سوسها=

البدع
حن رجال(ن) نشاما حن رجال(ن) عظام
وانت رجال عند المولمه والكباس
وانا سيفي بريع(ن) من سيوف(ن) برية
والقصايد تعلم سر مكنونها

الرد
يا قليل الدسم وايضا قصير العظام
اقدر اوردك للمر ويجيك باس
لو تقدم بك الشيطان روحي برية
وانت وسط الرماده وسط مكنونها

البدع
اطلب الله ربي قبل بدع الكلام
وابو فارس قصيده دايما في انتكاس
وعلومك ردية دائما منحنية
والبيوت الطويلة فانت من دونها

الرد
طاح عرش النصارى وايضا الملك لام
وانت مسكين ماقد فدت سيف(ن) وكاس
مثلكم يا ولد عمي نحنه حنيه
والكرم والشجاعه ماتجي دونها