لو كنت جالس على البحر..وش بتكتب على رماله؟؟

هذا مكانه يا بحر واعرفه زين
رغم البطا كنا هنا من ثواني
كنا هنا قبل ما نتفارق بعامين
قبل المطر يجتاح وجه المباني
وينه غلاتي يابحر وينه الحين ؟
مرك ؟ لمحته ؟ مانشد عن حناني ؟
بالله قول إنه هنا قبل يومين
ودي أحس إنه هنا ما نساني
حتى الكراسي تسألك يا بحر وين
من غيبته حتى الكراسي تعاني
كنا هنا قدام وجهك محيين
نرسم على موجك كثير الأماني
شف يا بحر على يالك اثنين
واليوم ماغير الدمع والمواني
دونه اشوف الزين بناظري شين
وباسمه أنادي واحد من اخواني
وين السعادة ناسيتني من سنين
مدري هو بعد مثل السعادة نساني
آآآه يا بحر الدمع في محجر العين
ماقدر على ذكراه هزت كياني
ماقول يسوى في عيوني ملايين
يسوى عيوني وما غلا في زماني
هو القمر في الارض يمشي برجلين
مافيه مثله يابحر شخص ثاني
شف يا بحر ماهزني غير شيين
فرقاه .. وميسم هالزمن لي كواني
لكن أمانة يا بحر احفظ الدين
لي جاك ثير الموج لهفه عشاني
قوله غيابك عن حبيبك سكاكين
ماهو حرام الذبح بإنسان فاني
دايم يحن لموعدك يعرفه زين
ودي بشوفه يابحر لو ثواني


الشاعر / يوسف ابو سالم