بدويه

[poet font="Simplified Arabic,5,indigo,bold,normal" bkcolor="transparent" bkimage="backgrounds/14.gif" border="ridge,5,deeppink" type=2 line=200% align=center use=ex length=0 char="" num="0,black" filter=" shadow(color=burlywood,direction=135)"]
ايه ابدويه ريحتـى بـن وبهـار=هذا شرف ماهو بحقـى خطيـه
انا ابدويه بنت حرِ مـن احـرار=فزعات ربعـى بالشدايـد قويـه
انا هلى يابنت وافيـن الاشبـار=كانك جهلتى مـن انـا ياغبيـه
ياجاهله ماتغذى الشمس الانـوار=حنا كما شمس على الارض ضيه
حنا هل الطولات هيبـه ومقـدار=حنا مثايـل للشـرف والحميـه
حنا الطنايا للكرم رمـز وشعـار=حنـا خـوي مايخلـي خـويـه
الذيب يوم انه عوا وسط الاسعار=عشوه ربعى مـن سنيـن مديـه
يوم ان جدك وثق القفـل بالـدار=بيت الشعر مفتوح صبح وعشيه
للضيف ريـف للمعاديـن جبـار=نرْد الحياض ولانهـاب المنيـه
يابنت لو بكتب من اشعار واشعار=تعجز معانى حروفـى الابجديـه
اللعب خلى اللعب لعيـال شطـار=لاتدخلين السيـل وانتـى نديـه
[/poet]


منقول


tup

هلا والله اختي هنوفـــــــــــــــا

قصيده في غاية الروعه مدري عشاني ابدوي

تقبلي تحياتي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ايه البداوه كلها فخر واصرار=اهل الوفا والطيب واهل الحميه
ايه البداوه تكرم الضيف والجار= مكرمين الضيف والشمس حيه
هنوف تذكر فعل وافين الاشبار= تشكر هنوفاكل صبح وعشيه
[/poet]

الاخت هنوفا

هلا والله وغلا اشكرك على هاذى المشاركه وانا اشهد انك صادقه

وتسلمى على هاذا الاختيار واقبلى منى الابيات السابقه

مع اجمل تحيه

نجم الجنوب

سلمت يداك اخت هنوفا على هالاختيار الجميل

تقبلي تحياتي

المليحي

مشكوره هنوفا واسمحوا لي بمشاركة أيضاً حول الموضوع

بقصيدة للشاعر " طلال السعيد "


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" glow(color=white,strength=3)"]
قالت بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تعني صفر على الشمال
هذا على احسن احتمال
تصدر حكم ماتلتفت
تحكم ولا تترك
مجال
قالت بدو
متصورتني باستحي
واترك مكاني وانتحي
تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا
يابنت يالي تضحكين
قلتي بدوي تستهزئين
غرك لباسك الاجنبي
المشكله ماتعرفين
ان البدو اصل العرب
تبغين هالكلمه طرب
صارت نشب
ياانسة .. ياعانسة .. ياضايعه ومستانسة
ياتارسه وجهك صبغ
ياتارسه عينك شدو
حنا البدو
ولو كان قلتيها بقرف
لنا الشرف
انا بدو
حنا البدو
حنا بداوتنا شيم
دين وقيم
طيب وظفر
معنى كبير ما اظن مثلك
يعرفه
لو تدعين المعرفه
شيء عسير
ما اظن مثلك ياصله
صعبه ولاهي حاصله
كلمه بدو
تعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
كلمه بدو
تعني الشمم
فعل وكرم
مبدى حضارات الامم
حنا القمم
نار على راس العلم
يشهد لنا سيف وقلم
وان كان ماعندك خبر
لنا الفخر
لو عشنا ببيوت شعر
عيشت الم عيشت فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنه رمل
اهي الدواء واهي العلاج
عيشت رضى ماهي نكد
مافيها تعقيد ابد
ساعات مافيها ذرى
يكفي نتلحف بالنجوم
وفراشنا رمل الثرى
وسراجنا نور القمر
لامن ظهر
ونام من عقب العشاء
ونصحى قبل وقت الفجر
نؤمن بقضانا والقدر
ماهو كسل
ولا نعيش ابلا امل
نملك طموح علم وامل
ونرعى الابل ونرعى الغنم
ونعزف من الونه نغم
ونتابع اخبار المطر
وندور الروض الخضر
ونسرى ورى
برق سرى
ولا نتراجع للوراى
نبحث عن المرعى العشيب
ومن شعيب الى شعيب
مانستقر
عنوانا كل الديار
تجوالنا ليل ونهار
نعيش عيشه هاديه
وهذي حياة الباديه
سنه الربيع
سنه الدهر
ورغم الفقر
نخاف من قوله افا
ونتعب على قول نعم
ونعيش عالين الهمم
من فضل ربي مانخون
نرعى الذمم
ونركض ونتعب ما نمل
محنا مثلك لا شغل
ولا عمل
ماغير بس اكل ونوم
ومن الشحم ضاقت عباتك والهدوم
يااسمن انواع الحريم
ياعايشه على الرجيم
ياانسة .. ياعانسة .. ياضايعة ومستانسة
ياتارسه وجهك صبغ
ياتارسه عينك شدو
حنا البدو
يالي تقولين بدوي
انا بدوي ولي الفخر
اني بدوي
عزمي قوي
مااخون
ماابوق الخوي
يبدا نهاري بالصلاه
واصارع امواج الحياه
ماضاقت الدنيا ابد
ولاني من اصحاب الحسد
ارفع ايديني للسماء
واطلب من الله واستخير
ماقول يمكن ربما
ولا يصير ولا مايصير
محافظ على الخمس الفروض
واضح ولا احب الغموض
ولا اتلون والتوي
لاني بدوي
متمسك باصالتي
ولا اغير لهجتي
انا بدوي
في فزعتي
وفي قومتي
وبقعدتي
وفي مشيتي
وبجلستي
وفي كلمتي
وبنخوتي
حتى عقالي
ولبستي
ولو قلتي عني فوضوي
ما ضرني
بالحيل يابنت بدوي
ويسرني
اعرف من انتي .. ومن انا
والفرق واضح بيننا
تدرين وادري من اكون
ويكفينا نعرف بعضنا
انتي مثل عمر الزهور
ومالك عمر مالك سنين
شهرين ويجيك الجفاف
وتذبلين
وتصبح الوانك باهته
وانا جذوري ثابته
ماخذ من الصحراء الهدوء
وان كان هذا يسعدك
حطي على راسك يدك
هالمره لاقلتي بدو
ياتارسه وجهك صبغ
ياتارسه عينك شدو

[/poet]

مشكوره على نقل الموضوع الاكثر من رائع

اختكم معجبه
باي

ســــــــلام ..

اخوي أبو فارس أسمحلي طال عمرك .. اشارك بنفس قصيدة

الشاعر طلال السعيد .. وهذه المره مسموعة !!

[sound]http://www.alsakher.com/modules.php?name=Downloads&d_op=getit&lid=49[/sound]

وتحياتي لكم جميعاً..