لبى جبينك

قصيده اعجبتني يا ذواقة الشعر


بسـم الله أبـدأ كلمتـي ودعـائـي=مسقـي الفيافـي المقفـرة بالمائـي

من عقب ماهي جرداءً ترجي القطرة=اليـوم كنـهـا دوحــةٍ غنـائـي

فالحمـدلـه والشكـرلـه والمـنـة=جـزل العطيـة صاحـب النعمائـي

والله خلق في النـاس رجـلٍ فاهـم=دومٍ تــرى ممـشـاه للعليـائـي

والله خلق بعـض الرجـال بهيمـة=ما يعـرف العدلـة مـن العوجائـي

من عقب ذا يا غايتي وش لـك بـه=أنت الدواء لي وأنـت سبـة دائـي

لبى جبينـك إليـا تكاشـف برقـه=يفضـح سنـاه الغطـوة السودائـي

و لبى عيونك إلا أضحكت من أجلي=يـاأم العيـون الخـدرة الدعجائـي

و لبـى جديلـك وإن كسانـي ليلـه=من وهـج خـدك أستمـد ضيائـي

و لبى شفاك وإن أحرقت لـي خـدي=فثلـج الثنايـا بلسـمـي ودوائــي

و لبى قوامك وإن أنثنى لـي عـوده=كنـي ملكـت الكـون فـي يمنائـي

لبيـك كلـك يـا عـذابـي كـلـي=لبيك مـن عرعـر إلـى صنعائـي

ياللي غرامك مثـل جيـش أمريكـا=متحكـمٍ بــالأرض والأجـوائـي

وأنا غرامـي جيـش بـس هويـن=وقـدام كثـرك وش يفيـد إبـائـي

حطـم حصونـي ولا تـذر باقيهـا=وحطم غروري وحطـم إستحيائـي

ورايات نصـرك رزهـا بصـدري=وأعلـن هزيمـة خلـك النكـرائـي

وبيجيـك خلـك منكـس رايـاتـه=منقـاد لـك بالطاعـة العميـائـي

ياللـي وصوفـك نـادرة ماتوجـد=بين البنـات أنتـي كمـا الجوزائـي

ياالنـادرة حسنـك عسيـر وصفـه=ولو زدت في مدحي وفـي إطرائـي

ياالنـادرة فـي كـل شـي حـتـى=في فـن تهميشـي و فـن إقصائـي

قلتـه وأنـا بالحـب رافـع راسـي=لا الحب ولا غيره يجيـب أقصائـي

فأنـا سلالـة لابـةٍ مــا تقـهـر=أفعالهـا تذهـل عـيـون الـرائـي

وإنـي لمـن قـوم تجيـر دخيلهـا=وتاقف معه في الضـر و السرائـي

وإنـي لمـن قـومٍ يهـاب جنابهـم=أهـل الفعـول الذربـة الجزلائـي

قبيلة خذت مجد الشـرف والشهـرة=من ألف بـاء المجـد إليـن اليائـي

يالله تعـز رجـال ربــعي كلـهـم= وتغـفـر لميتـهـم و للأحيـائـي

راعي الهدلا


صحت يمينك وتسلم على نقلها



اتمنى ان ارى قصائدك انت هنا ..



إحترامي

راعي الهدلا

قصيدة رائعه

بتناغم جميل

تسلم يارائع

وننتظر جديدك

صح الله لسانك

ويسلم حسك




كنت هنا

حبايب قلبي اشكر مروركم
يا استاذي انا لست بشاعر ولكن لدي مشاعر وهالقصيده للشاعر محمد العرجاني مجاراة لقصيدة شاعر عملاق وهو ضيدان بن قضعان وهي قصيد رائعة ولها قصة
تحياتي للجميع