نسيتـه رقـم جوالـك

على كثر اتصالات الخلايق في صباح العيـد
انـا والله مـا كنـت آتحـرّى غيرجـوّالـك
تحريت إتصالـك إنـت يالغالـي وبالتحديـد
لأن العيد ما اظنه يجي وما جيت فـي بالـك
تصور كيف مر العيد من تنكيـد فـي تنكيـد
وانا ما غير اهوجس بك وانـادي وآتحرّالـك
وجوّالي غـدا مثلـي تنهّـد واكثـر التنهيـد
يقول: ابطى عليك.. وقلت: اكيد العلة ارسالك
وقمت اكذب على نفسي واقول بصيغة التأكيد
اكيد الحين بتكلـم وانـا ادري مـا طرينالـك
على ما يبدو اني كنت عن بالك بعيـد ابعيـد
حرام ارجوك صدقني انا ما استاهل افعالـك
أنا ملْكك .. وانا والله على ما تشتهي وتريـد
أنا ويـاك تعرفنـا كمـا المملـوك والمالـك
كأني منخلق بعـد العبـادة وغايـة التوحيـد
عشان اعيش من شانك وشان ارضاك واحيالك
وإذا غايتْك تذبحني .. فلا انت بحروة التأييـد
توكّل وإنت تلقاني متـى مـا تنـوي اقبالـك
ولكن لا تعوّدني علـى الفرقـا ونـار البيـد
انا عايش على خبرك نعيـم وجنـة وْصالـك
جفاك اليوم قيّدني تعـال وفـكّ هـذا القيـد
كلّمني وعايدني وقلّـي.. إنـت وش حالـك
ياليت العذر (فاتورة) عليك بحاجـة التسديـد
أخاف العذر هي قولة: نسيته رقـم جوالـك
عطيكي العافيه سمااااااااااااااااااااااااااااااااا