اهدي ابيات للي يجي بعدك

يا هاجر القلب من هجرك دنا موتي
حفرت بيديك يا نور الملا قبري
قلبي تحمل جفاك بكل ما اوتي
و الارض ضاقت و صارت شبر في شبري
اخفي جروح الفراق و طول سكوتي
واجبرت روحي على درب الشقا جبري
يا لولو عمري ومرجاني وياقوتي
يا اطيب قلوب البشر كانك على خبري
تعال سرك بوسط الجوف مكبوتي
الهجر طول وطول الصبر ما يبري
العمر يمضي جفا وايامي ثبوتي
ليتك تحن وتروف بحالي المبري
مليت انادي و مل الكون من صوتي
و مليت اجامل و مل الصبر من صبري
حبك تغذى على شربي ومن قوتي
واسمك نقشته حروف و دمي الحبري