همسات الخيال ..

المشاركة الأصلية كتبت بواسطة حسن بن عويش

أسف تقبل مني الود للود = أفكار شاعر وانت بالحال شاعر
لا تحسب أني محفز الود للصد = لا والذي يعلم وبالقلب خابر
لكن مما ذقت في الجرز والمد = أخذت من بحر الهواجس مخاطر
ومن بعد ما شفت الخبايا في الرد = جيت أعتذر مسرع وبالحيل طاير
من خوف لا تعتب عليّ وأنت محتد = وتظن بي ظن(ن) ومعناه باير
أطلق عنان الحب في صفحة الجد = واللي يلومك جعل ساقه جباير
وأنا معك يا سيد الطيب والند = لو كان بارود النقى عاد ثاير

محبك ومغليك

حسن بن عويش

لا تعتذر فالقلب مضيوم منهد = وانت الذي بالفن للذوق صاير
انت الغلا عن الشين عارف ومرتد = وانت الذي نحتاج منه المصادر
الله عليمٍ بالخوافي وبالسد = والشوق فيها قد بلغ للمحاجر
انتا صدوقٍ في علومك ومن جد = بس الفوارق بيننا ما تشاطر
من بان فيه الشوق قرّبته الخد = يا ليت تعرف كم تهول المناظر
اقسم بربي له من المهد للحد = واصون لأجله مابقا بالخناجر
من مدلي يمناه للطيب ينشد = وانت الرفيق اللي تعلى المنابر

تقدير للغالي أبو أحمد ..