بدعوة خاصة من جبرني الوقت

المشاركة الأصلية كتبت بواسطة خالد الدايل

السلام عليكم

مسا الخير...

كل عام وانتم بخير

بدعوة خاصة من المشرف والشاعر القدير جبرني الوقت .....

اتيت الى هذا المنتدى الشامخ ...

وفي جعبتي قصيدة لي حبيت تكون أول مشاركاتي في المنتدى ..

أنتظر ردوردكم...

الظلام اسدل ستار الحزن والعاشق سرى

ليلة"ن" ياشينها من ليلة"ن" بين الليال

من سراها تاه مابين (البشاير) لا (شرى)

ديرته كنها تقول : ارجوك يالغايب تعال

غيم ورعود وضباب وبرد في دمي سرى

والسيول اخذت ترازم من على روس الجبال

والدموع الزرق من عيني تقل تمسك سرى

والصبر ماعاد له في داخل الخافق مجال

والسما والارض ضاقت في عيوني والبرى

شي منهم شد ّرحل .. وشي منهم لا يزال

يشعلون النار بين الناس سر "ن" وجهرى

ليتهم شدّوا رحلهم معْ من شد الرحال

آه من ضيم الفراق ومن شماتة من درى

ومن يمين "ن" ما يساندها مع القوه شمال

ومن تناهيد الحبيب اللي على بالي طرى

حال عنهْ الحول حول وصار حالي منه حال

من شريته من ثلاث اسنين واثْمنت الشرى

في عيوني كل خلق الله ....ماتسوى ريال

خالد الدايل

الله يحييك
ومرحبا بك يالغالي
وأهلا وسهلا فيك
ونشكر الأخ جبرني الوقت على استضافتك
بس ونا خوك أخبر خالد الدايل حارس في نادي الهلال سابقا ، وش عوّد قلبه شاعر !!
عـ العموم الله يحييك ، والمنتدى منتداك