وزارة الصحة مفتوحة الابواب والهواتف لتقديم الشكاوي والمقترحات

اتصلت اليوم وكنت متوقع أن يكون الرقم مشغول مسك الخط على طول أدخلت التحويله وكنت متوقع أنها بتكون مشغوله لكن خاب ضني ودق الجرس وما لحقت أقول في نفس ما راح أحد يرد إلا وناصر المنصور يرد علي، أنا ألخمت لأني ما كنت متوقع الرد السريع المهم تلبكت من المفاجأة وتدراكت نفسي وما كنت عارف اسم الشخص أو كيف أبدأ الموضوع والحمد لله كانت الصفحه هذي مفتوحها ولقطت الأسم لأني نقلت منها الرقم وقلت الأخ ناصر المنصور قال نعم قلت حياك الله ودخلت معه في الموضوع مباشرة صراحة كان فيلسوف بالدرجة الأولى لكن أنا كنت أقوى منه حجة وبيان (فكما يقال صاحب الحق أرعن) وطلعت بنتيجة أعطاني فاكس الوزير وقال أكتب خطاب لمعاليه حتى ما قصر وفر علي التفكير وأعطاني صيغة الخطاب وأنهيت المكالمة بشكره وأمتناني له.
لكن الفاكس عندي ما يأكل عيش في مثل هذي الحالات أنا راح اسوي الخطاب مثل ما قال لكن راح أروح الوزارة نفسها علشان أخذ رقم على المعاملة لأني ناوي أكبر الموضوع في حالة ما كان هناك نتيجة.

ممكن تقلون ليش كنت متوقع أحد ما يرد أنا أقول لكم ليش لأنه مستحيل يستطيع أحد في دائرة حكومية عليا أن يوفق بين إنجاز العمل ورد المكالمات وكمثال أنا لو يجلس يدق التلفون من هنا إلى بكره ما رديت عليه لأني في البداية كنت أرد وأعتب على الزملاء لكن المتصل كان يحسب مثل المكان الي يشتغل فيه دائره صغيرة يعرف فيها كل صغيره وكبيره وكل موظف داخل وطالع وأيش عمله لكن يطلع المتصل غثيث ويجلس يحكي لي مشكلته بالرغم أني أخبرته أن ليس لي علاقه بموضوعه وأنا موضوعه في الإدارة الفلانيه لا ويصر أن أعطيه أيش الحل على باله موظف بجنبي وبعد ما أقنعه أن موضعه ما لي دخل فيه ولا أدري أيش الأجراء المتبع يسكر بعد ما يطلع بثلاث مواضيع ثانيه إلا وبعد عشر دقائق يتصل يقول بالله روح للموظف الفلاني وقله فلان اتصل ومشكلته كذا وبعد شوي بالتصل عليك وقلي ايش برد عليك ((أيه هين شافني مراسل عندك)) يحسب في مكتب بجنبي ما يدري الإدارة الفلانيه وبيني وبينها ثلاثين مكتب.... المهم ما أطول عليكم.. الباب الي يجيك منه الريح سده وأستريح.


وكذلك بعض المدراء عندنا أول ما يجون يسون فيها يردون على التلفون ويسون أخلاق وبعد شهر يجيهم خطبات تهزئه بسبب تأخير المعملات غير الدش الي يجيهم بعده يفصلون سلك التلفون هذا وحن دائرة تخدم فئة من الشعب وراح تشفون رقم ناصر المنصور بعد شهر باقي أحد يرد عليه خصوصاً أن وزرارة الصحة تخدم كل فائة المجتمع ومراح يستمرون في الرد إلا إذا خصصوا شخص واحد مسؤل عن الرد وبس.