ما رأيكم ,,بالعآآدآآت والتقآآليد ,, والأعراف,,!!

بانسبه لرايي انا اقول ان فيه عادات وتقاليد لايمكن ان يستغني عنها الشخص ولو في القرن الخمسين مثال عاداتنا في اكرام الضيف مثل الذبايح والمشاغيث والمعاصيب وطريقة تقديمها
وايضا عاداتنا في الزواجات (السيره) انت كشخص لايتقبلك المجتمع بدون جماعه وسيره معك في زواجك يعني لو رحت بلحالك او انت والوالد فقط قالو هذا مقطوع ولا تركوه ربعه ولافيه بلا فيعني ملزوم بهذي العاده وكثير عادات لاتحضرني الان ماتقدر تتخلى عنها
وفيه عادات وتقاليد تقدر تضرب بها عرض الحايط مثل اقامة الحفلات او ارتداء بعض الملابس مثل الترنقات الرياضيه او ثوب النوم اذكر زمان اللي يجي عزيمه ولا المسجد وهو رياضي او لابس الكاب (القبوع) شالوه الجماعة وحطوه واليوم نرى عزايمنا في الاستراحات اكثر الشباب يجي لابس رياضه ونعتبره شي طبيعي وكذلك تربية الشعر زمان اللي عنده خنافس يقولون سربوت واليوم صارت موضه سلاسل وكدش و تروح بولدك الحلاق وتقول حلقه كبوريا صار عادي حتى المدارس ما صارت تحلق الطلاب اما زمان كان الاستاذ الفاضل حسن حنش اسال الله له الصحه والعافيه والله بالحلاقه في الطابور الصباحي على الصفر شوارع في راسك

طولت عليك لاكن العذر والسموحه