محاوره بن هضبان وابن شايق( قلطه)

بن شايق
عقب راح الليل كله وش بقى وش عاد باقي /والله ان ماني بداري ياجماعه علموني
مملكتنا ماحكم فيها اليماني والعراقي /أتكلم باللسان وقدوتي نضرة عيوني
بن هضبان
مرحبا بك بين ربعك والسواقي ماتساقي / ليلنا بدري وقدر الضيف باقي في الصحوني
الجبل لاطال فوق السهل مايرقاه راقي / والبعيد نكلمه بجهاز والا تيلفوني
بن شايق
ياحلو ياحلو ساعات المواصل والتلاقي / انت يالصاحب تمون وصاحبك مثلك يموني
ياعربنا ياعرب لا عاد تطرون الفراقي / الله الي يعلم النيات والكايد يهوني
بن هضبان
ان طرحنا المر قال المر طعمه مايذاقي / وان طرحنا التمر بعض الناس ماعنده سنوني
سم بالرحمنوالاقلت يخطفك البراقي / لو هبيت الانس فوق الجن ماجنت جنوني
بن شايق
لاتذكرني زمان فات يزداد اشتياقي / والله انا مانبي شهران غيرك يزعلوني
ياجملنا ياجملنا شلت حمل مايطاقي / خل ربعي يضحكون وخل ربعك يضحكوني
بن هضبان
ياعبدالله لو تطيح الروس بتطيج الطواقي / من هو الي ينطح العالي وهو ماله قروني
جيتنا زاير فوسعنا ميادين السباقي / قبلكم شهران وشيوخ البلاد يرحبوني
بن شايق
يعلم الله مانبي ضرب الخناجر والسناقي / وان غصبنا الامر مكنا المضارب والطعوني
اثرك اتحب الرياضه وجسمك اللين لياقي / تلعبون وغيركم في نجد ناس يلعبوني
بن هضبان
ياعبدالله منهو الي قال لك فك البناقي / وحدوك الي معك
لاتريق البحر الاحمر لو تريقه مايحاقي / خل غيرك في الشواطي يسبحون ويشربوني
بن شايق
ابك انا ربعي في اللقا ياطاق طاقي / انت ناقص بعد ذا الكلمه وربعك يكرموني
احتراقك زاد في كبدك ولا زاد احتراقي / ياعوانينا وش الاسباب خيبتو ضنوني
بن هضبان
جسمك الكامل ومثله ماخذيته في شقاقي / وانت وافي والقبيله كلهم مايحقروني
ان زعلتو وان رضيتو جلكم مثل الدقاقي / يوم جيتو في بلدنا تسرحون وتمرحوني
بن شايق
ابك انا جسمي خشن مايقبل الجسم الرقاقي / ماندور للخطا والله وخلقه يشهدوني
الحوارث ماتنافق ويش علمك النفاقي / ولو رفعت السيف راسي ماتغير عن متوني
بن هضبان
الجحادر ماتصافق ويش علمك الصفاقي / كحل عيونك وانا والله ماكحل عيوني
اسمي الشاهد وانا دايم سعيد وانت شاقي / ماحلقت الدقن مثل العالم الي يحلقوني
بن شايق
الجحادر ضربها بالسيف ياقوم الطقاقي / شف عيونك طالعه وانا عيوني في جفوني
المكينه تشتغل والما يجيك مع السواقي / بعد بكره تظهر الاشجار وتميل الغصوني
بن هضبان
اخبرك ولدت حلال لاتعوق ولاتعاقي / لاتسوي مثل منهم يكذبون ويسرقوني
لو دريت انك ولي امر عيناك الصداقي / صدقوني ياقبايل لو نفيته صدقوني
بن شايق
لابنيت البيت بالعمدان صلح له رواقي / بس لاتلبس بشوت الغرب قاصرت الردوني
الحوارث سرحوك ورحت سارح بالنياقي / ليتهم ما سرحوك وليت ربعك سرحوني
بن هضبان
ياقصير العنق لاترعى طويلات العناقي / عاري جنبك وانا ربعي ببشت لبسوني
صورنا كله حديد وصوركم فيه الفتاقي / اثر كل الناس حوله يرفعون ويردموني
بن شايق
هقوتك فينا ضعيفه وابن شايق فيك هاقي / هاقي انك من بني قحطان ضايق ومغبوني
ياعيال العود طاب الكيف راق الجو راقي / شاعر الحرث بغاني وقصرت يمناه دوني
بن هضبان
انت منقول لهذي المنطقه والا لحاقي / كبر بطنك يوم شفت الي يعبون البطوني
عندنا لاتلبس البدله ولا تلبس طماقي / مايشي البندق الا الي بيرقى في الحصوني
بن شايق
انت وقتك زود خناقك ولا زود خناقي / انعمو تحت الملوك الي عليكم يحكموني
اما انا ماني بضايق يوم بعض الناس ضاقي / لاختلف شكلك ولونك ماختلف شكلي ولوني
بن هضبان
لاكليت الي بوسط القدر عبينا الطباقي / ياحضرنا والبوادي شجعوه وشجعوني
ربنا يقطع عناقك لاتعلق في عناقي / ذكرتني صورتك في عالم مايذكروني
بن شايق
ماوقاكم يعيال ادم من الاقدار واقي / يشهد الله ماضلمناكم لو انكم تضلموني
كفنا في خدتك اليا التوا ساقك بساقي / ماحصل لك نصر لو كل الحوارث يفزعوني

صقر الباديه

يعطيك الف عافيه

محاورة من الوزن الثقيل استمتعت بقرائتها ..

لك التقدير

شكرا ياصقر البادية على النقل
وابن شايق من فحول شعراء القلطة
وابن هضبان شاعر كبير من شعراء العرضة
وصراحة ان التفوق كان واضح لعبدالله بن شايق(الشنب) وما قصر ابن هضبان

تحياتي

بيض الله وجهك
والله محاورة قمة وفيها من الرموز والعقد والمعاني الكثير وبن هضبان متمكن وشاعر قوم
لاهنت لاهنت لاهنت
فالك الطيب

ااااه بس لو تفهم المعاني والله لتكتب هذه المحاوره بماء الذهب

شكرا لناقلها الكريم

محاوره قويه ولك مني الف شكر

يعطيــــــــــك الف عافيـــــــــــه ياصقر الباديـــــــــــــــه

امتعتنا بمحاورة من العيار الثقيــــل وبن هضبـــان يستاهل المدح واتوقع لوان له ممارسات دائمه في هذا النوع لكان له شأن مختلف اما بن شايق فقد اجاد وهو صاحب صنعه.

ابو ليلي اشكرك على مرورك الجميل

ازرق العود مشكور على عبورك اللطيف ولكن فلقد رجحت كفه ابن شايق وابن هضبان شاعر كبير وتمنيت انه يقاتل الى الاخير ولكنه سعى الى انها الحفل بمطالبه خصمه ان يلعب معه على لون العرضه فتمنيت انه استمر وقاتل حتى ينهي الوقت المقارعه الشعريه اشكرك مره اخرى ولا عدمناك

الغراني بيض الله وجهك ولا هنتفارس بني عمرو كلك ذوق يا فارسنا

راعي هقاوي و سهيل الازدي

بيض الله وجهيكم وكلامكم صحيح وفي محله

فابن هضبان ماقصر ولكن نحن نطالبه بالكثير سيما انه من رموز شعر العرضه وتنميت انه فعل مثل ما فعله امبراطور الشعر الجنوبي ابن ثايب الذي لقن شعار القلطه درسا لن ينسوه ولعل هذه المحاوره مع سفر الدغيلبي تسعدكم:

ســـــــــفـــــــــر
سلامي سلامي يرضي الناس والنـاس
على قولـة الأمثـال صعـب ٍ رضاهـا
يقولون شهران ابن ثايب خذى الكأس
وحطـه تحـت يمنـاه مـدري وراهـا
بــــــــن ثــــايــــب
هلا مرحبـا ترحيبـة ٍ تقعـد الـراس
بشاعـر عتيبـة طــول الله بقـاهـا
اى والله خذيته والمباني لهـا سـاس
يـوم أنـك تلمـس حاجـة ٍ ماتبـاهـا
ســـــــــفـــــــــر
لعلك على ضني معك ميـز وإحسـاس
تقـدر حقـوق الاخـويـا لأخويـاهـا
عساه اي هناك مع الجواهر ولا للماس
جواهـر خبيـراً غالـي ٍ مشتـراهـا
بــــــــن ثــــايــــب
اى والله معي شيمه ولاهيـب تنقـاس
ولكن علـي ّ شرهـه وفـي مستواهـا
أشوفك تزحر يا سفر كـن بـه بـاس
وهـي كلمتيـن مـن بغـاهـا لقـاهـا

ســـــــــفـــــــــر
اخذ كلمة محصـورة بيـن الأقـواس
ضميرك ونفسـك وشلهـا وش علاهـا
زمان الرخى يا بن العرب يملي أكياس
وذي حالـة ألشـده ّ لعـنـا ثـواهـا

بــــــــن ثــــايــــب
لك الحق والتقديـر يالابـس الطـاس
لكـن ساحـة الميـدان تبغـى رضاهـا
وصولـك مناطقنـا معـزة ونومـاس
وديرتـك بنجيهـا ونـرعـى حيـاهـا

ســـــــــفـــــــــر
تبا تشعل النيران فـي كـل مقبـاس
لكـن السحابـة فوقـك أتهـل مـاهـا
أنا جيتكـم طرقـي مسيـر وعسـاس
عتيبـي لـي حـول بــدار ٍ ولاهــا
بــــــــن ثــــايــــب
يا بو عين زرقاء كن في عينها النعاس
رشيد الزلامـي كاشـف ٍ إلـك خطاهـا
بغى ذالعتيبي يضرب الضلـع بالفـأس
لكن خاف ينشب مقطهـا فـي رشاهـا
ســـــــــفـــــــــر
ترى هوشنا بشلف وحدود الأمـواس
بلاشـي تطلـع بندقـك مـن خبـأهـا
أبرسلك اصحيبك خليـف أبـن دواس
وبـاقـي الاوادم مالـغـاك ابلـغـاهـا
بــــــــن ثــــايــــب
عزمنـا نذريبـك مـع كـل نسنـاس
يـا خـوان بيـت الله وبايـق حماهـا
بسويبه أسواتك يـا ذبـاب الارمـاس
عسى الله يمنـع وجههـا مـع قفاهـا

--------------------------------------------------------------------------------

ابدااع والله

يعطيك العافية

صقر البادية بيض الله وجهك على هذا النقل الجميل وسعيد بن هضبان شاعر متمكن ومعنى ولكن الحق ينقال تفوق بن شايق واضح في هذة المحاورة وهو صاحب صنعة كما قال بعض الاخوة واتمنى ان تفيدني هل لهذة المحاورة شريط ومتى كانت واين كانت
ولك مني خالص الشكر والعرفان

ابداع ....... يعطيك العافية

ياقصير العنق لاترعى طويلات العناقي / عاري جنبك وانا ربعي ببشت لبسوني
صورنا كله حديد وصوركم فيه الفتاقي / اثر كل الناس حوله يرفعون ويردموني



هذا البيت يسوى بلد


والله ياشاعر العرضه انه اقوى مهما كانت قوة شاعر القلطه

ولا يقارن بن شايق مع بن هضبان


لاهنت ياصقر الباديه

الاخ ............صقر البادية ...........تحية عطرة

كانت محاورة ِِشيقة وممتعة................شكرا لاختيارك الموفق .............تحياتي