إبيك .. تحطهـآ .. دآخـل .. عيونك .. وبين .. يديكـ

قصيده قويه ورائعة جداً

قصيدة العرس منسوبه للشاعر / محمد الشهري
..عندما لم يكون نصيب لأبنت عمه التي كانت ليلة زواجها مفاجأة له فحضر الزواج حتى يوصي زوجها الذي كتب الله له الزواج منها وكانت نصيبته ..

ابد ماجيت ابارك لك ولكن جيت ابا أوصيـك على اللي ناوي(ن) تدخل بها الليلـه.. معذبتـي

ترى لولا الظروف اللي عطتك وحدت محاكيك قسم بالله ماتدخل عليهـا لـو علـى رقبتـي

ولكن النصيب اقوى ولا ادري ويش اسوي فيك نعم صارت معزبتـك ولاصـارت معزبتـي

كذا صارت لي القسمة بتحرمني لأجل تعطيـك كذا لازم عشان تفوز انت انا اخسر بتجربتـي

تراهـا غاليـه جـدا وتكفـى والله يخلـيـك تدللها..تدلعها..تنسـيـهـا مصـاحـبـتـي

انا من كثر ما اغليها احس اني بديـت اغليـك ولا تسـأل بايـة حـق والا وش مناسبـتـي

لانك لو بتسألنـي بتسمـع شـي ما يرضيـك لـذا ياخـوي لا تسـأل ولا تسمـع لأجوبتـي

ابيك تحطها في داخل عيونـك وبيـن ايديـك وهي دلوعه اعتادت علـى كثـرة مداعبتـي

فداعبها شوي شوي حتـى تشتهـي طاريـك وشاغبها الين تقـول بطـل مـن مشاغبتـي

واذا هي مالها خلقك ولاتضحـك ولا تسليـك تحملهـا واسألهـا ياعمـري ليـه عصبتـي؟

وبالك اسمع انك يوم تضربها وهـي تشكيـك مايحتاج اوري لك بفـن الضـرب موهبتـي

صحيح انك بتملكها ومعـاك العقـد بالتمليـك وانا عارف حدود الله ومـن حقـك معاقبتـي

ولكن قل لها المجنون وصانـي وهـو يعنيـك يقول انـه بينتظـرك ولـو شيـب وشيبتـي

وانا مجنونها الي مانساهـا وانـت مايمديـك تغطي ذكرياتي فـي هواهـا ربـع تجربتـي

احس اني تماديت بكلامي والغضـب حاديـك لو انك فـي مكانـي ماتفكـر فـي محاسبتـي

كفاك اني تركت الليله اشغالي عشـان اجيـك دخلت القاعه برجلي ولا ادري ويـش عاقبتـي

وانا ماجيت اخرب عرسـك الليلـه ولا آذيـك انا جيتك عشان اخاطبـك واسمـع مخاطبتـي

توصى وانتبه واحـرص عليهـا والله يهنيـك ترى كل الكلام اللي طلع من ضيقـي وكبتـي

ولكن ماقدرت انـي اقولـه وانـت مايخفيـك اخاف اني اذا قلـت تقـوم وتقطـع رقبتـي

يعطيك العافيه.
القصيده روووووعه.
وحسب معلوماتي التواضعه انها نسبت لاكثـــر من شاعـــر ومنهـــم حامد زيد.

لسماع القصيده//
http://www.coalles.com/vb/uploaded/2...1219918653.zip

صح نبضك على حسن إنتقائك
تقبلي مروري ولك التقدير والاحترام.
بلا حـــــــــــــــــــــدود ,,,,,,

صح لسانه واعتلى اسمه وشانه
ولاهنتي على نقلك للقصيده سلمتي ...
تقبلي مروري ..

قمة الألم واللوعه والحسرة في هذه القصيده ,,

تسلم أناملك على الاختيار والذوق .

قصيــده روعـــه وهــذي عوايــد الشــاعر الكبيــر ::: محمد الشهــري..

لاهــنتي يالغــلآ ع النقــل ..

الله عليك
فعلا ابدااع
سلمت يداك
اخوك عودالليل

تسلم انامل نقلت وفي الاختيار اتقنت

تجسد الشعر عندما التقى بقصه على ارض الواقع
لاعدمنا هذا التميز...........................الف شكر

توصى وانتبه واحـرص عليهـا والله يهنيـك*** ترى كل الكلام اللي طلع من ضيقـي وكبتـي..

ولكن ماقدرت انـي اقولـه وانـت مايخفيـك** اخاف اني اذا قلـت تقـوم وتقطـع رقبتـي..



شهريه والفخر ليه..


طرح راقي وانتقاء أرقى لهذه القصيدة الجميلة المعبرة..


تسلم ايدك ويسلم راس شاعرها...


تقبلي مروري..

البرنس الجنوبي