ديااااار عُرب

عدّيت في مرقب ٍ و الليـل ممسينـي
بديـار غُـرب ٍ لعـلّ السيـل مــا جـاهـا
أضحك مع اللي ضحك و الهمّ طاويني
طيّـة شنـون الـعـرب لا قـطّـروا مـاهـا
وراك مــا تزعجـيـن الـدمــع ياعـيـنـي
علـى هنـوف ٍ جديـد اللبـس يزهـاهـا
هبّت هبوب الشمال و بردهـا شينـي
مــا تـدفـي الـنـار لــو حـنـا شعلنـاهـا
مـا يدفـي إلا حشـا مريوشـة العينـي
و إليـا عطشـنـا شربـنـا مــن ثنايـاهـا
ابــو عـيـون ٍ لـيـا سـلـهـم تناجـيـنـي
يـاقـرد عـيـن المشـقّـا كـيـف يقـواهـا
يـا شبـه وضحـى فـتـاة ٍ دلّـهـا زيـنـي
داجـت علـى عقلـة ٍو الــورد ماجـاهـا
يا علّ من شار بالفرقى عمى العيني
مخبـاط صمعـاً جليـل الفخـذ يشظاهـا
جعله حسيـر ٍ كسيـر ٍ و راكبـه دينـي
و أتـلـى حـلالـه ذلــول ٍ راح يـطـلاهـا

صح لسانك على هذا لاختيار الرائع
تقبل مودتي
ابو عبدالله

هبّت هبوب الشمال و بردهـا شينـي
مــا تـدفـي الـنـار لــو حـنـا شعلنـاهـا
مـا يدفـي إلا حشـا مريوشـة العينـي
و إليـا عطشـنـا شربـنـا مــن ثنايـاهـا

عمري ولا احد قدي

عوافي على القصيده ..لاعدمناك ولاعدمنا طلتك المستمره ..دمت بود ..تقبل مروري ..

تسلم بارك الله فيك يا الغالي على هذا ألختيار

ابــو عـيـون ٍ لـيـا سـلـهـم تناجـيـنـي
يـاقـرد عـيـن المشـقّـا كـيـف يقـواهـا
يـا شبـه وضحـى فـتـاة ٍ دلّـهـا زيـنـي
داجـت علـى عقلـة ٍو الــورد ماجـاهـا
يا علّ من شار بالفرقى عمى العيني
مخبـاط صمعـاً جليـل الفخـذ يشظاهـا
جعله حسيـر ٍ كسيـر ٍ و راكبـه دينـي
و أتـلـى حـلالـه ذلــول ٍ راح يـطـلاهـا

يعطيك الف عافيه
كثير تغنى بتلك الكلمات على لون السامري
وقد لاتخلو طلعة بر من التغني بالاحانها خصوصاً بين الشباب

لاهنت

صالح ال سليمان
يوسف العمري
بن ظافر
المسكت



اشكر لكم مروركم والله يعطيكم الف عافية على التعليقات اللي تشرح الصدر بصراحة.

لـــــــــــكــــــــــــــمـ خالص ـــتـــــــحــــــــيـــــــــاتــيــــ