أنت على الهواء

المشاركة الأصلية كتبت بواسطة ذات الشان

الله يرحمها ويرحم اموات المسلمين اجمعين

تذكرت حكاية حصلت لي مع جدتي الله يرحمها وانا صغيره سألتها عن ليلة القدر كيف شكلها كنت احسبها شي يجي ونشوفه
قالت لي انها ليله يطلع فيها نور ويشوفنها الصالحين قلت مين قد شافها قالت يقولون ان واحد قد شاف ليلة القدر من طاقة البيت فقال يالله انك تخلي راسي من اكبر الروس يقصد انه يصير زعيم قام كبر راسه كبر كبر الين نشب في الطاقه
قام دعا دعوه مضاده وقال يالله انك تجعل راسي اصغر الروس فصغر راسه صغر صغر الين صار ماينشاف
فدعا دعوه اخيره وقال يالله انك ترد راسي مثل ماكان
وراحت عليه ليلة القدر
قعدت كم سنه وانا ماودي اشوف ليلة القدر على بالي استغفر الله انه لو دعيت دعوه بيحصل لي مثل ماحصل لذا الادمي

الله يرحمهم ويغفر لهم

جلست أقرأ في موضوغ أنت على الهوا لين وصلت قصتك .
فيه شايب عندنا يقول أنه شافها نور يمشي في السما وأنا صراحه من غير ضحك معتقد بهذا الكلام لين شفت كلامكم فنقدت عمري بس بالفعل أحد الشيبان عندنا شافها والرجال سمعته طيبه وصالح.
زيد لاتخلوني أجيب لكم قصة سمع الليل ولا قصة الملائكه ذا ينقلون الموتان وقصة اليني ذا وده بالبير والله إن تفغرون من خرافات يعتقدونها ربعنا .

المشاركة الأصلية كتبت بواسطة صبي عمرين07

جلست أقرأ في موضوغ أنت على الهوا لين وصلت قصتك .
فيه شايب عندنا يقول أنه شافها نور يمشي في السما وأنا صراحه من غير ضحك معتقد بهذا الكلام لين شفت كلامكم فنقدت عمري بس بالفعل أحد الشيبان عندنا شافها والرجال سمعته طيبه وصالح.
زيد لاتخلوني أجيب لكم قصة سمع الليل ولا قصة الملائكه ذا ينقلون الموتان وقصة اليني ذا وده بالبير والله إن تفغرون من خرافات يعتقدونها ربعنا .

صبي عمرين
زمان كانت القلوب نظيفه مره ولا كانو يعرفون الكذاب العون
كل القصص اللى قلتها وجدتها عند اغلب القرى بنفس الصيغه
اللهم اختلاف البطل ففلان من تلك القريه بنفس الصوره والقصه
وعلان في القرية الفلانيه بنفس كل الحركات والخطوات
ولكن الوكاد ان الخرافات عشعشت في رؤس الاغلبيه

ويا ليت اتحفتنا بقصه ولا ثنتين
تقبل مودتي
ابو عبدالله