لغز المجاراه بين خالد بن مدعث وناصر الفراعنه

بسم الله الرحمن الرحيم
السلام عليكم ورحمة الله وبركاته

.: لغز ابن مدعث / خمسة عشر عملة :.



عذابك يا خفوقي تـو مـا جـاك وتولـم لـه
ما دام انك فتحت الباب لهمـوم الهـوى شلهـا

اعـرف انـك بليهـيٍ اذا زاد الدهـر حملـه
يغني له هديـره " هـاذي احمولـك وعدلهـا "

ليا غنت تقول البيد عطنـي رقصـة الصملـه
وليـا منـه عطاهـا رقصـةً كنـه يجاملـهـا

يجامـل والمنايـا عينهـا قبـر يـدم دم لــه
بعين المكر خـزت ، وبعيـن الحـب غازلهـا

لقى عين المنايا تمكر ب( خمسة عشر عملـه )
يموت اليا نظرهـا وان خـذاه المـوت قبلهـا

الاولى ، بنت غيٍ تنقـض المجـدول وتعملـه
ليـا غطـت ترايبهـا شقـت بالليـل جادلهـا

وثانيهن ، هلالٍ بالسمـاء مـا ينعـرف كملـه
صخيفٍ لو نقل ريـش النعامـه مـا تحملهـا

وثالثهن ، معه سيفٍ بحـد المـوت معـدم لـه
ثمانين الـف فـارس عـن مناكبهـا معزلهـا

ورابعهن ، طلع حرٍ مـع اللجـه معـزم لـه
علـى صيـدٍ قرانيـس النـوادر مـا تحولهـا

وخامسهن ، ضلامٍ ضيع نجـوم الفلـك جملـه
بقى فيه القمر يضحك مـع الضلمـا ويسئلهـا

وسادسهن ، عزيزٍ غار عدوانـه علـى زملـه
تلقاهـم بسيـفٍ شـيـب الدنـيـا وهولـهـا

وسابعهن ، هنـوفٍ تصفـق الكفيـن محتملـه
على فرقا الذي بالحب مالت له ، ومـال إلهـا

وثامنهن ، غريرٍ ما يقول مـن السحـا جملـه
خجـولٍ ليـا ناظـر عيـون النـاس خجلهـا

وتاسعهن ، تقى روضٍ هوى الغربي مقدم لـه
قراحٍ من سحاب تحت علـم العـرش وابلهـا

وعاشرهن ، تثبت قصـة " سليمـان والنملـه "
معاها معجـزه والمعجـزات الـرب يرسلهـا

وحاديهن ، مهاةٍ فـي جراهيـد الوطـا هملـه
تلفت للقنـوص اللـي مـن احماهـا تجفلهـا

وثاني عشر ، بحرٍ طلع اللولـو علـى رملـه
يبي يرضي ارمالٍ مـن عصـر آدم مزعلهـا

وثالث عشر ، رسامٍ على الاهرام يرسـم لـه
يدينٍ فـوق صـدرٍ تسحـر الساحـر بأناملهـا

ورابع عشر ، من عبـرة يتيـمٍ دمعتـه هملـه
ثمان اسنين مـن فقـده لابـوه العيـن مسبلهـا

ابوه و مات !! وامه لا تحـنّ ولا تبسـم لـه
تنحر صـوب دارٍ تهلـك السـاري مهاملهـا

بقى مابين وقـت وبيـن عـمٍ مـا ترحـم لـه
دخيلـك يـا زمـانٍ لعـت عمـره لا تكملهـا

وخامس عشر ، من عمر اليتيم اليا ارتكب خمله
عشق لـه عشقـةٍ تفنـي شبابـه مـا تناولهـا

عيونتس يالمنايا تذبح ب( خمسة عشر عملـه )
لك الله هاذي " العمله " يا ( ابو فارس ) وحللها




الشاعر/ خالد بن مدعث


.: حل اللغز للفراعنه :.

وهذا حلّ الشاعر // ناصر الفراعنه الذي لم يقنع الكثير من المتابعين و النقاد
ومنهم من قال : ان الحلّ يحتاج الى حلّ !!



يا ( خالد ) لا تهيضنـي وأنـا قلبـي متمـم لـه
علـى تركـت بـلادٍ ضـاع حابلـهـا بنابلـهـا

تخيلـت اربـعٍ سـودٍ اقصـار اعيونهـن ثملـه
وابن مـن لا نقـض حجـه ولا يقـدر يحايلهـا

فـوادٍ كـل مـا وجّـه علـى دارٍ و يمـم لــه
مقاريـد الـعـرب دونــه مزهـبـةٍ فتايلـهـا

نحوسٍ من ردى حظـه درج فضـه وكـوم لـه
مـن النكبـات سبحـات مسلسـلـةٍ سلاسلـهـا

ترى لغزك يا ( ابن مدعث ) ولو حاولت اترجم له
كثير الناس يـا ابـن النـاس جاهلتـه وجاهلهـا

وحلّ اللغز في خمـسٍ ورا الغـارب تهايـم لـه
علـى عشـرٍ قـدم عينـي تخايلنـي واخايلـهـا

تشوف أوصافها فـي غـرة المجمـول مكتملـه
علـى ذبـاح أبوهـا سابـت الفنجـال وأحملهـا

الأولى ، عانهـا بيـن الجبـال السـود والرملـه
غراميـلٍ حمـر نشـر الشـواوي مـا تهيلـهـا

وثانيهن ، ليا صامت مقاريـد العـرب صـم لـه
ولـو شفـت الديـار المجرهـده مــا تثيلـهـا

وثالثهن ، ثلاثٍ طيرهـا لا حـام لـك حـم لـه
تنجلـك الليالـي السـود ولا انـتـه بتنجلـهـا

ورابعهن ، ليا منه شكـى الزامـل هـوى زملـه
تغطـى والغطـا غـارات روس القـوم يفشلهـا

وخامسهن ، غراب البين مـا حـيٍ بيجهـم لـه
اشـارة سـوّ تـدره للقوافـل مــن قوافلـهـا

وسادسهن ، حصـانٍ حادسـه دبـت بـه النمِلـه
وعـود صيـدةٍ منـه العوانيـد طـعـم اهلـهـا

وسابعهن ، ولد لا يخدعك لـو غرتـه جملـه !!
يصفـق مـا عـدل ميلـه ولا العدلـه يميلـهـا

وثامنهن ، لو طوّل لـك السبـت لا تحيـزم لـه
مـا جـو الا وعقبـه عجيـجٍ ترعـد مخايلـهـا

وتاسعهـن ، حيايـا الـروض فالمثنـاه مندملـه
والتمت على حس الونـس مـن حـدر اسافلهـا

وعاشرهن ، " سليمانٍ " مضى ما احدٍ جمع شمله
وقفـيـرٍ غــدت بــه لـيـن كـبـر وهللها

وحاديهن ، على وضح النقـا حـذرا تخـدم لـه
عليـك بمنـةٍ مـا احـدٍ مـن العشـاق زاملهـا

وثاني عشر ، برًّ لا يغرك مـاه واخطـم لـه !!
اذا ما هو حصل كل كلمـةٍ فـي خاطـرك قلهـا

وثالث عشر ، طرفك شف جديده لا يغطى سملـه
عصا " موسى " سحر " فرعون " ما غير منازلها

ورابع عشـر ، دانـه خلهـا فـي شطّهـا تملـه
قراش الحنظلـه يدمـع ولـو مـا احـدٍ بقابلهـا

وخامس عشر ، ذيبٍ كان قام , انته بعد قـم لـه
(( وسما نفسك ولو هانت فعل كفـك يجملهـا ))



منقول انتهى ...