قصتي مع الشيخ ابو عمر من السنقـــــــــــــــال

الســــــــــــــــلام عليكم ورحمة الله وبركاته
هذه مشاركه عباره عن قصه حدثت لي من اسبوعين تقريبا بصراحه ماتسر الخاطر لكن ابيكم تنتبهون وتاخذون العبره منــــــــــــــــــــــــــي.
كان فيه رقم يدق علي له اكثر من شهر في البدايه احسب انه رقم هاتف ثابت ببطاقه واعتقدت ان هذا الرقم من مكه وطنشت بحكم ان مالي معارف فيها فقلت يمكن واحد غلطان.

استمريت وكل يومين ثلاثه يدق علي الرقم هذا دقه ويقفل.
وكنت طالع يوم مع اهلي فدق علي وقررت اني ارد عليه لكن ممداني وقفل.
قلت يالله علم خير بدق واشوف..........
دقيت وبصراحه تفاجات اعطاني نغمة مكالمه دوليه .......ماقفلت استمريت وما امداه يرن الا جاوبني واحد لهجته لهجة افريقي على عربي ضعيف.
سلمت على الرجال رد السلام وقلتله انت لك فتره تدق علي آمرني؟
قال اي نعم مرهبا بك انت من السعوديه اخي ؟
قلت ايه.
قال يا اخي بشراك الشيخ ابو عمر يريدك في خير لكن ليس موجود الان ولا اريد لك الخساره قفل وبعد خمس دقايق دق الشيخ يريدك في امر يتعلق بحياتك وثروتك.....
قلت خير قفلت وبصراحه عرفت ان الدعوه نصب ودجل وسحر وترددت في الاتصال لكن من باب الفضول رجعت ودقيت مره ثانيه ليس لتصديقه لا والله لكن ابغى اشوف النصب..............
نصحتني المدام ما ادق لكن تعنت ودقيت...
رد عليه واحد وطلع الشيخ ابو عمر بصراحه تفاجات بكلامه لغه عربيه فصحى مع شويت نيجيري((يعني بدل مايقول مرحبا___قال مرهبا))
قلت ها ياشيخ وش عندك ؟
قال اخي يالم الله اني اهبكي...وانت من بلاد الاسلام ...وما يدركي يدرني....
اخي الشر يهيط بك وباسرتكي....وفيه واهده آمله لكي سهر اسود...وانا رايتكي في النوم اربأه مرات وانتي تصيهي....وتقولي انقذني ياشيخ ابو أمر وجااني كرامه من السماء واعطاني رقمكي
واريدكي ان تحظر لبلادي ((السنقال)) لكي ابري ذمتي فيكي من الله...............
طبعآ سويد يدري اني بقول لا ما اقدر اجي السنقال....فقلت لا استطيع الحضور..
قال اذن نهل هل ثاني وهو تشتري جاموسه وليست بقره سوداء واعتيكي كلام تقوليهي وتذبهينها
قلت يا اخي انا مسلم وما اذبح الا لله وانت طريقتك هذي سحر وكفر بالله.....
قال لا لا يا اخي ماهو سهر هذا تقيه من الشر....
قلت طيب وين اجيبلك جاموسه ما عندنا الا بقر......وهذي النقطه اللي بيغى يوصلها,,,,,وقال
بسيته تهولي لي مبلغ اثنين الف ساودي وانا اذبهها لكي وانا واللهي ما ابغا الا مسا أدتكي فانت اخي في الاسلام.................
قلت انت كاذب وساحر ودجال وعليه لعنت الله.....
قال انا ساهر وتلأنني والله لآذيك اذا عظيما اذا ما تسمأ كلامي...
قمت ولعنته مره ثانيه وقام يتمتم بكلام مافهمت منه شي وبدا يصيح.
شوي طفى الجهاز ............
بصراحه خفت في البدايه قلت عز الله رحنا فيها والحرمه من اليوم قفل قفل قفل وانا ماطعتها..
وقامت ركبي تصافق بعدين اتضح لي ان البطاريه خلصت وانقطع الخط..
رحت البيت ودقيت على الاتصالات واخبرتهم القصه قال هذا خطاك وكثير من الناس تصيرلهم القصص هذي ويجينا شكاوي كثير لكن شيك معنا بعد نصف ساعه ونخبرك بقيمة المكالمه ....
طبعا المكالمه كانت تقريبا خمس دقائق ومابه زود خساره لكن الموظف قالي احمد ربك غيرك
يسحبون منه خطه بمعنى انك تقفل والاتصال مستمر او سحب رصيد وما شابه....

اتمنى انكم تاخذون عظه مني وتتذكرون قول المصطفى صلى الله عليه وسلم((من اتى كاهن او عراف
لم تقبل منه صلاة اربعين يوم)) او بمعنى الحديث
وبمعنى قوله ((من اتى منكم ساحرا او عراف فقد كفر بما انزل على محمد))

ودمتم بخير وسلامه

الله يحييك و يحيي علمك...و الحمدلله جات سلامات
وجزاك الله خير ...على نصيحتك

و ما تلام فى فجعة البطاريه.....خخخخخخخخ

بارك الله فيك ونفع بما أتيت به في موضوعك ..
الهدف من الموضوع مفيد فلك التقدير ..

بــارك الــلــه فــيــك والــحــمــد الـلـه عــلى ســلا مــتــك والــلــه الــعــظــيــم يــا هــذالا تــصــال جــاء

لــواحــد مــن الز مــلاء والــمــصــيــبــه أنــه إمــام مـــســجــد يــقــول كــــيــف مــشــة عــلــيــه

الــمــصــيــبــه حـول لــه مــبــلــغ لــلــمــســا عــده فــي بــنــى مــســجــد ومــا عــرف أنــه

خــدعــدعــه الأ بــعــد مــا ســمــع الــســا لــفــه مــن شــخــص ثــا نــي

شكرآ اخواني لمروركم الكريم



((وقل لن يصيبنا الا ماكتب الله لنا))