جاتك رساله

هلا باللي اذا نادت اجيها بلهــــــــــــفة وكني = وصلت لآخر الدنيا وطويت الارض باقـــــدامي
اجي باحساس وانس الناس اجي مرتاح ومتهني = ابي ترويني بأيديها لأني بدونها ظامــــــــي
اجي عطشان اجي ولهان كأني كنت مســتني = تناديني واجيها بشوق احسه داخل اعظامي
هي اطيب قلــــــب واجهته وما قد خيبت ظني = هي اجمل وجه واجهته وهي اكبر من احلامي
تقول اني احب انســــــان وتقول : إ ني وإني = وانا ليمن بدت تمدح ادور اقرب اقـــــــــــلامي
لأني لو عجزت اكتب غلاهـــــــها وقربها مني = اجل وش فايدة شعري اذا ما يمدح الهــــــامي
صدوقه وان نوت تكذب تقول ارجوك سامحني = تحس ان الكذب حاجه عظـــــيمة وشي اجرامي
بريئة في سوالفها تسولف عنها وعــــــــــني = تذكرني بكل موقف جمعنا وصار قـــــــدامي
حـــــنووونه وصوتها دافي وله نبرة تدوخني = هلا بمن عطرها يملا علي دنياي وايــــــــامي