لها حر جمر النار وأبرد من سحايبها

أبكتب قصيد ة حروفها تشبه نجوم الليـل=تسلي من يسامرها تتعـب مـن يحسبهـا
أبنقص بهـا كيلـة وأبزيـد فيهـا كيـل=وأببنـي قوافيهـا وبرجـع وأخربـهـا
أبعز فيهـا جيـل وأبـا ذل فيهـا جيـل=وأبعفي بها لحيـة وابـا أهيـن شاربهـا
ويعجب بها شاعر وشاعر لهـا مايميـل=يديـنٍ تصافحهـا ويـديـنٍ تحاربـهـا
حروف لها معنى وحـروف مالها تأويـل=معانـي تبتعـد فيهـا ومعانـي تقربهـا
عدولٍ بها مائل ويعـدل بهـا مـن ميـل=وزعولٍ بهايضحك ويزعل مـن يداعبهـا
وصيغة لها تظهر ويخفى لهـا التحليـل=ولـون لهـا يزهـى ولـونٍ مايناسبهـا
ضعيف بها يقوى وتضعف قوي الحيـل=صـدورٍ لهـا يـارد وارد مايشربـهـا
تسّيل دمعة منها وتكفكف دمـوع تسيـل=وغائب لهايحضـر وحاضـر مايغيبهـا
تقصل متون بالقوه ومتونٍ لهـا ماتشيـل=وخابت هقـوةٍ فيهـا وهقـوة ماتخيبهـا
وليلٍ بهـا يظلـم وليـلٍ تشعلـه قنديـل=ونارٍتشتعـل منهـا ولا تحـرق لهايبهـا
تعذب كاذبٍ فاجر وتنصر من يذوق الويل=غريرٍ بهـا يصحـو وفـارس مايهيبهـا
وتاصل بها مقصد ومقصد تقطع التوصيل=هجادٍ بها ضاوي وضـاوي مـا يهربهـا
لها وزنٍ كما الفولاذ وأنعم مـن المنديـل=ولها حر جمر النار وأبرد مـن سحايبهـا
صحيح لها قائـل صحيـحٍ لهـا ماقيـل=عنيـده لهـا نـزوه كثـيـر تجاربـهـا
ومعنى وارد فيها لمع مثل نجـم سهيـل=تسلي من يسامرها وتتعبب مـن يراقبهـا

يا هــ وغلا ـــلا يا ع ابن هضبا

بدايـة بعد اذنك يا غالي قمت بتنسيق القصيدة
لأنها لم تكن ظآهـرة ..

الله يعطيك العافيـــــه على توآجـــدك الطيب
والقصيـدة طيبه ورآعيهآ ..
صح الله لساان قايلهآ
وسلمت يمينك والله
ولي سؤال طال عمرك
هل القصيـدة لك ..؟
سوى كانت لك أم لغيرك نقول صح الله لسان شاعرها
تقبل أطيب التحايـــــــــــــــاا

صح لسانك ياذيب

ولا هنت




ولـــــــــــــ(آل عطيفة)ــــــــــــــــد

انا ماني شاعر بس حبيت نشارك فقط لانني احب الشعر وخاصة قصائد العرضة
والقصيدة ماهي لي صراحة بس اعجبتني قلت نشاركفقط

ع ابن هضبان

الله يعطيك العافيـــه وما قصرت يا غالي
مشاركة طيبه وننتظر منك المزيـد
تقبل أطيب التحايـــــــاا

صح لسانك ولا عدمناك ...

صح لسااانك


وبيض الله وجهك


قصيدة رائعه تسلم عليها يا ذيب.