محاورة: الملك فيصل(رحمه الله) X لويحآن

	النشط وصاحب الالنوادر سيف العرب أرجو إذا كان فيه بقية للمحاوره إتمامها تحياتي

المشاركة الأصلية كتبت بواسطة سعيد بن شفياء

اررحب يا سعيد بن شفياء

مشكور ولاهنت لاهنت يا غالي على مرورك
بالنسبه للمحاورة مثل ما قلت في ردي على الاخ سد الوآدي
وإن حصلت على تكلمه لها فأبشر بالسعـــد
تقبل أطيب التحايــــــــــــــــــا

كنت قد وعدتكم وها انا اعود لكم
البدع من الملك فيصل رحمه الله

الا يامل قلبٍ كل ما جا الليل جاه خلاج=يلوج ويتلج بالصدر والعربان ممسيني
انا متحير مادري عن المدخال والمخراج=الا وا عمس رايي ما لقيت اللي يقديني
الا يا مجيب دعوة من تصافق فوقه الأمواج=انا بحماك يا والي الخلايق لا تخليني
الا يا وجد روحي وجد من خلوه بالمسهاج=كسير الساق بنحور المعادين المغليني
الى من دك هاجوسي ولو اني على ديباج=ولو جا لي جميع البيض غيره ما يسليني
الا واهني مخلوقٍ يفرّج ضيقته لا داج=الى منه دخل بالسوق غادٍ له مياديني
ترى بعض العرب عمله بروحه مثل عمل سراج=يضوي للعرب والنار في جوف المسيكيني

ردعليه الشاعر عبد الله بن لويحان بلأبيات الآتيه :

الا يا مسندي دنياك ما تحتاج ما تاحتاج=ترى اللي سالم منها تعادل فيه رمحيني
تصبّر والفرج يا مسندي من صاحب الأفراج=يا كودك عقب صبرك تستعيد العشر عشريني
ورا ما تعتبر باللي يضدنه ضلاف العاج=يورد حمله الجاير ويصبح خاطره زيني
تراني مستعدٍ لك على المقعاد والمنهاج=سبب ما أزعلك يزعلني وما يرضيك يرضيني
مانيب الصاحب اللي يوم يبدي به لزومه ماج=حاشا لله ماجي عن لزومك يا بعد عيني

تقبلوا خالص المودة
ابو عبدالله

الله يعطيك الف عافيه يا ابو عبدالله
وبيّض الله وجهك
حقيقة ابيات رائعه وجزله وكان الرد عليها كذلك رائـع وجزل
لاهنت ومشكور يا غالي
تقبل أطيب التحايـــــــــــــــــــا