@معـــــــاناة الحــــــروف@

(معانات الحروف)

ياصاحبي ليلي عذاب ومبتدى صبحي عذاب = مافيه ساعة ما تناول خاطري ضيقاتها
شاب الفرح في ناظري والحلم يا مشكاي شاب = انا الذي دنياي ما عشت بترف لذاتها
مافيه يومٍٍ يمر ما يعلق بمعلوقي صواب = والنفس ما يلعن ثواها غير طول سكاتها
لا صرت في بعض المجالس لا عقاب ولا حساب = فأنته على نيتك والعالم بنياتها
الي تطيح من السماء ما تاقع الا في التراب = هذا مثل دارج وعينك لايطول سباتها
القافلة في دربها ماهمها نبح الكلاب = عز السيوف انصابها والموت في سلاتها
الطيب بيته ما يهون اتهون يابيت الخراب = والله يلعن من يصايد في العرب غراتها
والي يعيب الناس بكره من طرف ثاني يعاب = يامسرج اخيول الشقى ود العلوم وهاتها
دنياي يا مال الفنى دنياي يا مال الذهاب = مدري وش آخر ما توصله معي ساعاتها
ما عاد باقي لي على الدنيا مشاريه وعتاب = اجلس بروحي في متاهاتي تعاتب ذاتها
هذي معاناة الحروف الي تضمنها الكتاب = قصيدة الشاعر تعبر بالصحيح ابياتها

يا عاشق سراب

صح لسانك وسلم بنانك

قصيده جميله في جمال حضورك لها ابعاد ومعنى وقوة أبيات سبك يستحق التوقف

نسقتها من جمال أبياتها أرجو أن لا يسير في خاطرك

تقبل مودتي وسجل اعجابي

أبو أحمد

عــــاشق سراب

يا هــــ وغلا ــــلا
صح الله لساانك مليووون ولا يكفووون
والله يعطيــــــــــك الف عافيـــــه
قصيـــدة رائـعـه كروعـة توآجدك المميز
لا تحرمنا من جديدكـ
تقبل أطيب التحايـــــــــا

عاشق سراب
هلا وغلا فيك والله
للكلمات عشق معانيها ومعاناتها
صح لسانك وعلا شانـك والله

ولك احترام
اخوك

دنياي يا مال الفنى دنيـاي يـا مـال الذهـاب
مدري وش آخر ما توصلـه معـي ساعاتهـا
ما عاد باقي لي على الدنيا مشاريـه وعتـاب
اجلس بروحـي فـي متاهاتـي تعاتـب ذاتهـا
عاشق سرااب دمت مبدعا،،،
كلمات قمة في الروعه ومعاني راقيه ،،
دمت بالف خير
تحياتي
أميرة

دنياي يا مال الفنى دنيـاي يـا مـال الذهـاب
مدري وش آخر ما توصلـه معـي ساعاتهـا
ما عاد باقي لي على الدنيا مشاريـه وعتـاب
اجلس بروحي فـي متاهاتـي تعاتـب ذاتهـا

كلمات رووعه صح لسانك

تقبل مروري
ضي العيوون