حـزن الـ غ ـياب ،،وين ابتهال ؟؟؟؟

ضاقت الدنيا بعيني .. والسبب حـزن الغيـاب
وابتدآ نزف ٍ بصدري منبعه.. ويـن ابتهـال؟
يمه وينك؟ جاوبيني! حالي من بعـدك عـذاب
انفطر قلبي عليـك ..وهـذا حـال أم العيـال
ذابت عروقي بجسمي ..عفت أنا حتى الشراب
والألم سكين مجـرم ..داخلـي ساحـة قتـال
بعدك أنتِ وش بقالي.. غير صوره من سراب
والحنين اللي ينادي .. من يمين ومن شمـال
ريحة ثيابك وعطرك ..واسمك بسطر الكتـاب
وصوتك ونبض السوالف.. كلها صارت خيـال
أدري أنـك تسمعيني..حاولـي رد الـجـواب
بنتظر يمه جوابك ..واكسـر يديـن المحـال
الهواجس في خفوقي.. فاتحـه الفيـن بـاب
مدر ي تنامين والاّ.. حالـك بشهريـن حـال
حضنك المعهود أصبح .. من بعد هجرك خراب
والدَمْع يشكي أنيني ..كل مـا آواسيـه سـال
آآآه من فرقاك يمه.. وآآآه يا كُبْـر المصـاب
وآآه يالحرمان حرّه ..جمره يفيـض اشتعـال
بنتظر لحظة رجوعك .. بشتري أحلى الثيـاب
والوعد يوم التلاقي..يـوم يجمعنـا الوصـال
يـوم أقبّلهـا يدينك..والحـزن ودّع وغـاب
تكفى يالجاني ترفق ..تهت في وجـه الليـال
رد لي روحي بجسمي ..وارتجي حسن الثواب
ردها تكفى لحضني.. مـا أبـي قيـل ٍ وقـال
يا جعل عيني تهنّى .. قبل مـا آزور التـراب
والأمل بالله وحده ..يرد لـي بنتـي ابتهـال


الأخت / حنان بعد التحية العطرة وأجل التقدير لا أخفيك القول بأنني وقفت أمام هذه الروعة بكل أجلال وحاولت أن أقتبس من بين أسطرها بيت القصيد لأستشهد به ولاكني وجدتها كلها بيت القصيد أسأل الله العظيم رب العرش العظيم أن لا يحرمك أجر ما كتبتيه فمثل هذه الروعه لا تجازى بكلمات الأعجاب ولكن اجرها عند رب الأرباب أنت مكسب للشعر ومكسب للمنتدى ومكسب للقبيلة التي تنتمين إليها وأن قلت (حنان آل فاضل خنساء هذا الزمان ) فأظن أنني اصبت عين الحقيقة.

أخوك / حسن بن عويش