@@@ كيف حالك يا الجنوبي وأنا عمك @@@

السلام عليكم كيف الحال عساكم بخير طيبين يالربع وش لونكم 0 كيف حالك يا كمال عساك طيب أسمع وأنا عمك عساني عيدك :-

	يالله أني طالبك يا ربنا ربٍ عزيز دلني وأقول كلمة حق في المعنى وأجيز بعدها مني سلام واضحٍ فيه الكمال عد ما لاحت بروقٍ وعد ما هلّ المخال وعد ما هبت رياحٍ من الشمال ومن الجنوبي صافيٍ من قلب صافي والنوايا صافيه

عليكم السلام والرحمة

وابشرك حالنا يسر اصحابنا.....
والحمدلله



البــــــــــــــــــــــــــــــــدع
يالله أني طالبك يا ربنا ربٍ عزيز
دلني وأقول كلمة حق في المعنى وأجيز
بعدها مني سلام واضحٍ فيه الكمال
عد ما لاحت بروقٍ وعد ما هلّ المخال
وعد ما هبت رياحٍ من الشمال ومن الجنوبي
صافيٍ من قلب صافي والنوايا صافيه
...............................................
...............................................
الرد
مرحبا يامسهلا يامن تسمى بن عزيز
عوذ بالله من كلام(ن) مايجوز وفيك جيز
لا سلام ولا كلام انا مثل ما انا كمال
منت عمي منت خالى واشهد ان العم خال
لا تقل وشبك تبيح بسر علة في جنوبي
شيعوا جثمانها قبل ان تصف الصافية


تحيــــــــــــاتي

صح لسانك يا بن عزيز ويا كمال

ماشاء الله عليكم شعار مجيدين عسى الله يبقي لنا في ذا الوجيه

تحياتي لكما

أولاً :- يا كمال عندما قلت لك وأنا عمك والله ما أقصد في هذا الكلام شيء يعيبك أو يعيبني ولكن بحكم تقارب السن بيني وبين أباك وعمانك وأنا والله كنت أعتبرك مثل أحد أولادي وهذا معروف يعني كم عمرك عشرين سنه أنا عمري دبل عمرك يعني في مقام عمك وهذا للتوضيح إذا كان أحد فسرك القصيده على مزاجه 0
ثانياً :- هل فهمت ماذا قلت في القصيده وطبعاً القصيده لها رد على معناها والكلام الآخر له رد على معناه 0
ثالثاً :- أعتبر هذه نهاية المطاف بين وبينك حتى تعرف الفرق بين الصادق والمصدق 0

وهذا النهايه وسلامة الجميع وأنا آسف جداً لعدم التوفيق في إلاختيار المناسب0

	يا حسافه على العقول اللي مثل حجم القفيز ما تميز بين حرف العربي من الأنجليز وأحسب أنك فاهم المعنى ومضمون المقال غير واضح من كلامك ما عرفت إلا السؤال وأعتبرها كبوة والله يجنبنا العيوبي من يدور للخطأ نحرمه نوم العافيه

اولا : تعوذ من الشيطان تراها قصايد لا تودي ولا تجيب


ثانيا: احترامك وتقديرك على راسي من فوق ، لو يصير اللى يصير تقديرك واحترامك
باقى واللى مايقدر الرجال مافيه خير ........وكونك تعدني واحد من اولادك فهذا
الشي يسعدني ويزيدني شرف.


رابعا: صافيٍ من قلب صافي والنوايا صافيهاعتقد ان هذا البيت واضح ولا يحتاج توضيح ..والقصايد نقض وفتل . .. الا اذا كنت ترا غير ذالك.

فالختــــــــــــام:
ابشر باللى يرضيك ويطيب خاطرك .
وأتمنى ترجع تقرأ ردي واذا حصلت فيه بيت يزعلك ابشر بالحق.....

والقصايد تبقى نقض وفتل ولا تجيب ولا تودي.....




استلم الرد

البــــــــــــــــــــــــدع
يا حسافه على العقول اللي مثل حجم القفيز
ما تميز بين حرف العربي من الأنجليز
وأحسب أنك فاهم المعنى ومضمون المقال
غير واضح من كلامك ما عرفت إلا السؤال
وأعتبرها كبوة والله يجنبنا العيوبي
من يدور للخطأ نحرمه نوم العافيه
.................................................. ....
الـــــــــــــــــــــــــرد
تلعب عالحبلين وتقول انت خاسر وانت فيز
والحقايق واضحه عند العرب والانجليز

فوق صفحات الجريده صورته جنب المقال
ان رضيتوا وان زعلتوا ناس اخير وناس اوال

قلتها لك صادق(ن) ماني منافق واللعيوبي
وان حكمنا بالشريعه قلتوا الشرع افية




تحيــــــــــاتي

غالى الاثمان ارررررحب والله ان ترحب


صح بدنك يالقرم وشكرا على مرورك والله يعطيك العااافية.




تحيـــــــــاتي

الله يعطيكم العافيه
وكان ودنا تستمر المحاروه ويجي بيت القصيد والنجم
ولكن انهيتوها في بدايتها عموماً بما انه حصل الي حصل
موعدنا عند الشاعر صديق في المخيم ههههههههه
ويحكم بينكم وان نقص شي يوفيه عمه دباس
امزح معكم والامر بسيط بس لازم نحلها في المخيم عصر يوم الجمعه بروفه للحفله