ياأخوان هل علي ملامة أستشيركم في هذا الموضوع!!!!!!!!!

كم هي مؤلمة تصرفات بعض الناس وهم لايشعرون...!!!

وعلى كل إنسان أن يُحسن التعامل مع الغير.. كي يلقى بالقبول لدى النفس الأخرى....

ستسألون مابالك حزيناً يارأس الحربة؟؟؟؟

سأقول لكم لماذا.....

فأنا منذ يومين والمزاج عندي (مش ولابد)

والسبب.. هو أمر تافه وبسيط في مضمونه العام...

لكن بدخول نفسيتي المتعبة كطرف آخر في الموضوع سيكون فيه إختلافاً آخر..

فمع اقبالية البرد..
طلعت الفروة الجديدة والتي جائتني هدية من الوالدة حفظها الله..
ورحت بها للمغسلة..
نظفتها وكويتها..
من عندالهندي ..

ورحت فيها لمكان نتسامر فيه في طرف إحدى الوديان المهجورة..
في مكان يسمى (الصفح!!!)
على الرغم من أن مزاجي لم يكن مؤهل للذهاب إلى هناك...لكن...!!!!!

جاء أبو فيصل..
وشاف الفروة معلقة على مدخل الإستراحة..

قال: أوه برد ..
ونزل الفروة ليلبسها..
قمت بكل حيل ..
وقلت: فروتي توي جايبها..
ما بعد لبستها خلها !
طبعاً كعادته المعهودة.. طنشني...

وشق كيس النايلون المغطى بها..
وأنا أقول : خلها تكفى..
ما ودي أحد يلبسها غيري..
رد كعادته الكريهة..
ما يضرها شيء (ياريال...!!!!!!)..

قلت: والطفش طالع من (خشمي) وبكل قوة عين قلت...
أنا ما احب أحد يأخذها..
ما أبي ريح أحد فيها..
وأحاول اسحبها منه..
غضب وحمق وجرها بقوة..
وتلفلف بها قسرا عنوة..

شعرت أن الفروة تستنجد بي..
بس أنا ضعيف !!!
وجلست بردان ومن لعنة (الجية) المشؤومة..
وأبو فيصل ما همه شيء..
يضحك ويلعب بلوت ويشرب شاهي!!!!

جئت أمشي مبكراً لضيق الخلق
قلت : عطني فروتي لو سمحت..
قال: تبغاها اجلس وانتظر..
أو رح وتلقها بكره هنا..
قلت : أنا جايبها لك أو لي..
رد بطفش ! حنا واحد يارجال لا تزعجني!!!!

قلت بنبرة حااادة : والطفش طفح الكيل على رأسي...
لا يا أخي ما حنا واحد جب الفروة..
رفض حاولت ورفض ..
رحت مكسور النفس..
وأنا ألعن إبليس لاتكبر السالفة على شي تافه...!!!!
يوم جئت من اليوم الثاني..
توقعوا ماذا وجدت...؟؟؟؟

لقيت الفروة المسكينة مرمية بالتراب..
قذرة متسخة وعليها آثار رماد (المجمرة)..

نظرت لها بحزن..
وجئت اشيلها رفضت!!!
وتمسكت بحديدة الخيمة..
جريتها بقوة انشقت!!!!

صرخت بقوة وقلت.... آآآآآه يالقهر...!!!!
عضيت على شفتي من الغضب حتى كادت أن تُدمى...
حسيت إنها تقول:
أنت ما حميت روحك كيف تحميني!!!

حملتها ونقلتها إلى مثواها الأخير..
برميل الزبالة ..
وشعرت أن هناك بشر..
لابد من التصدي لهم..
وإلا دمروا حياتنا بالقوة..
أبو فيصل + الفروة + الضعفاء = معاناة بشرية..
أبدية سرمدية عنجهية..



المتألم رأس الحربة.....

بيني و بينك يا راس الحربه بعض الاحيان يجيب الواحد شي مع اصحابه يبي يستخدمه له خصيصا و يجي واحد ياخذه من اخوياه فيستحي يقول جب الشي هذا كووون انه على ما قلت في نظر الجميع تافه و ممكن لو قامت عليه مشكله ينقدون عليك الحاضرين....

و لكن اذا زاد الامر عن حده لا و الله خله ينقد بعد معهم ابن سينا و الي يبي يزعل يزعل لان (ل) الصبر احدود............

اما خويك ابو فيصل فحسبك الله عليه و انا احمد الله انه ما فيه احد من اخوياي زيه و لا كان من زمااان و انا في الصفاااا مقصوص..........


بيت القصيد

بسم الله

لا يا بيت القصيد

مابيودونك الصفا.. الديرة أقرب والقصاص فيها أزين



أما أنت يا رأس الحربة (ولو أني أحب أسميك دوما رأس ( ....!! ) لأنك بصراحة متقلب بشكل جميل في مشاركاتك. وأنا سبق وأن أخبرتك بأني سأتابعك وأشاركك طرحك شريطة أن تبتعد عن بعض العلوم الي علمتك عنها بالخاص زمان.

أما اليوم ومع أبو فيصل.. الله يجزاه خير فيك
تستاهل اللي جاك

والمثل يقول:

يستاهل البرد من ضيع عباته



بس تصدق لواني مكانك ماكان سويت شي انا بعد
كان سكت وعلى شحم

بس اسلم حل من البداية: لو مانزلت فروتك وعلقتها تكشخ فيها أنت ووجهك وخليتها في السيارة كان أفضل.

أو أنك لبستها ولا تركتها لذاك ( الرياال ..!! ) يلعب في حلالك



ما أختم به:

أبو فيصل + الفروة + الضعفاء = معاناة بشرية..


حقا نحن نستحي من أن نقول مافي دواخلنا لشئ واحد
وهو عيب واستح على وجهك. بدال ماتقول تفداك الفروة تجي وتناشبني عليها.


يالله علم خير

والجاايات أكثر إن شاء الله يا راس الحربه


بس انتبه المرة الجاية لاياخذ سيارتك أبو فيصل



مع التحية


أخوك ومحبك


الناقد

رأس الحربة

كاتب رائع !!!!!!!
والمشكلة بسيطة جداً ماتستاهل الطفش ....

دمت في خير .

رأس الحربه

يعطيك العافيه

راق لي اسلوب سردك الرائع .. فلديك تمكن جميل في السرد
وإذا هناك من لوم .. فاللوم على أبو فيصل .. لكونه .. سمح لنفسه الأسيلاء على أحدى خصوصياتك
هذا فيما يخص اللوم
أما فيما يخصك أنت
فتعود دائما أن تكون قويا مدافعا عن حقوقك وخصوصياتك

كن راضيا ................................. دوما

وبالطبع .................................. قويا

اخوك

طلووووووووووووولي

حقيقه قصه وان كانت لدى البعض عاديه فهي وربي ربما تعتبر مرض او داء اصيب به بعض الاشخاص






حقيقه قصتك لاتعني شي مع قصص العزوبيه الله يخارجنا
اذا كنت عزوبي نصيحه لوجه الله
لاتشتري شماغ جديد
لاتشتري حذاء وانتم بالكرامه جديد او غالي يمدحون ابو عشرين
لاتشتري اي شي من الاكسسوارات ساعات اقلام - كبكاات



اذا معاك جوال
لازم تحط عشرين رقم سري وعشرين رقم حمايه
كل اشوي واحد ناط ويكلم من جوالك

سيارتك لازم تخليها تفتح وتشتغل بالبصمة لأن الشغله بتقلب سبيل
سريرك او فراشك يمدحون اذا صحيت على طول تحطه بالسياره
ماتضمن يجيك احد غفله وينام فيه



الملابس الداخليه لو تعلمها بمليون لون ولو تزود النيلة وتكون فاقعه اللون
من مجرد مايودونها الكواي بتصير ملك للمالك الجديد والله يعوض عليك بالخير

الأخ الكريم بيت القصيد...

وش السوات ياخوي..!!!

وش اسوي دام الحكم علي إنني ضعيف الجلسة...

إحساسي كأنني أرنباً بداخل حظيرة للذئاب...

الكل (يلطخني).. والكل يتدخل في خصوصياتي...!!!

هل لأني أصغرهم...!!!

أم لأني جسمي نحيلاً...!!!!!

لاأدري... لكن... كل ما أقوله...الله المستعان...


الأخ الكريم... الناقد...


حرام عليك يارجال...

تقول الجيات أكثر...

تراني (رهيف) الإحساس....

ذلك اليوم كان وضعي أشبه بحسناء في خدرها فقدت زوجها النبيل في إحدى المعارك...

تفكير ... قلق... أرق... إكتئاب... تضجر......الخ..لكل أمراض العصر الحديثة...

لكن على قولتك... يستاهل البرد من ضيع عباته...!!!

والبقاء للأقوى....فقط!!!!


شكراً لكم...

ودي اصيح قصة مؤثرة للغاية

والله مقهورة من ابو فيصل هذا... وانت بعد الله يهداك

معطيه وجه اكثر من الازم

لاتكون طيب (خبل) معذرة يعني بس ابي اعبر عن قهري ههههههه

صدقني ابو فيصل وامثاله الواحد مايستحي منهم وماينعطون وجه

بالنسبة للفروة الله يعوضك بخير منها ... سوء وانصرف



مشكور على هالموضوع الحلو والشكر يمتد لابو فيصل

اللي كان السبب في طرحك لهالموضوع الشيق

يعطيك العافية

الأخوان

الأشقر (بلس) طلولي

ماشاء الله عليكم... وياحليلكم... أقولكم سالفتي إللي حرقة قلبي.. وتقولون أسلوبك رائع!!!! واله لو منتو شعر وجهي لاكان صارت علوم قبايل!!!


الأخ السيكا ميكا...

إييييييييييه ياصاحبي ... والله كنك عايش معنا في (العزبة) لدرجة نتضارب على السراويل (الداخلية) هي لمييين؟؟؟


الأخت بسمة

تحمدي ربك منتي برجال

شكراً لك على المرور....