أبيات أعجبتني 00 كل واحد يشـارك

عسى تعبك اللي سكن في حناياك= يسكن ضلوع اللي بقلبه يناجيك
روحي وقلبي كلها من فداياك = واحساسي اللــي دمعته دوم تبكيك
فيك المرض مستوطن أقصى زواياك= وانا ابعذابي كل ليلـه أراعيك
ياللي السجايا تستحي من سجاياك=ياللي على كل العذارى أفاديك
ياللي غمرتيني بصادق سواياك =كل السوايا يالغلا ما تساويك
لو تفقديني دوري في خلاياك =تلقيني ابدمك ودمي يغذيك
غيبتك صعبة والصعب من مزاياك = وانا أشهد إني حايرٍ من تجافيك
ما غير أسامر بالليالي هداياك= وانثر قصيدٍ كل نزفه يحكيك
واستذكر اللي هزّني من وصاياك=يـــومٍ تقولي يا حبيبي بوصّيك
لا لا تنقّص مع غرامي عطاياك=وانا التي من حالي الحب بعطيك
حبيبتي شوفي توالي مراياك = تلقينهــا تحكي حقيقة محاكيك
حبك ملكني .. أقبلت لي سراياك= أستوطنت بين الضلوع المصاكيك
أحسّها في وسط قلبي قراياك= أحسها في وسط روحي مفاليك
أنا ديارك والمشاعر رعاياك = أنا نجومٍ بالليالي تسرّيك
أعشق مزوحك .. آتحرى حزاياك = أستجمع اللي من طباعي يسليك
أحبها البسمة "وزمّة شفاياك " = أشواقك اللي مـــن هدوئك تعريّـك
لحظات سلهمتك .. براءة نواياك =زود اهتمامك .. قـول فيني ولا فيك
مدحك وقول اللللللله محلا غناياك = محلا قصيدك .. عيده الله يخليك !!
إيمائتك .. تمويهتك مع تحاياك= إجفالتك لا من عزمهـا تغليك
جنونك اللي تستحثه شظاياك=معقود حجانك .. سهامــك .. تجنيك
أنا وليلي والسواهر ظماياك =كلي عناااا .. يمكن فناااا .. لكن (أبغيك)
أنا دخيلك بارتوي من حلاياك = بينــي وبينك مــا تحمّـــــل تنحيك
بيحي كنينك .. اطلقيها خفاياك=هذي كفوفي إحضنيها بـ اياديك
يمكن مرضك اللي مزوّد بلاياك = يرحم تعبك ويسكن ابروح مغليك
حبيبتي عسى الذي في حناياك=يتوسّد اللــــي حالفٍ مـــــا يخليك