(( فـخر الوطن )) قصيدة في الملك عبدالله رعاه الله خادم الحرمين الشريفين ..

المشاركة الأصلية كتبت بواسطة بو سالم سرى ليله

شعــرٍ مـداده فوق صـــدر الـورق ذاب = وعـانق شموخٍ فيه اغلــــى امنيـاته
ان ما احتفى صدق الـولا فـيه وانســـاب =صافي مثل عـــذب الزلال وفــــراته
يـبـقى مجـرد صوت وحـضـوره غـيـاب =نقصٍ لتشريف القــــلم مع دواتـــه
واليـا لـبس حـرفـي مـن الـفـخر جلباب =له منتهى الــتشــــريف باصدق لغاته
ِهنا الشمـوخ ومجـد زاكـيـن الانـســاب =ِهنا الوطن واعظـــم مآثــــر حماته
تاريـــخ مجـــدٍ كـل صدرٍ له كتــاب =من قبل يكتب تحـــتـفـظ به رواتـــه
مـن حـبـنا لـه مـا تـقصّـينا الاسبـاب =عشقٍ نبت فـــي كـــل روحٍ نــواته
واليــــا نشدنا نجد عن ســر الاعجـاب =لـنا افصـحـت عن مجدها عن سمــاته
وغنت لها معــزوفــةٍ تـسبي الالبــاب =وردد لهــا الـتـاريـــخ عذب اغنياته
نجد العــذيــه شــرّعـت صدرها باب =وداعـب نسيم الـــروض فـيـهـا نباته
لها الفـخــــر باللي لها ستر وحجـاب =في حــكـمــته فـي نـظرته في ثباته
في وصف عبدالله حــــديث الفخر طاب =شيخٍ تعطّر سـيـــرتـه مـنـجـزاتــــه
كيف اوصفه باجمـــل مضامين الالقاب =وهـــــو الـفـخر والمجد في حد ذاته
من شرق نجد لغــربها سهول وهضـاب =لـشمالها لاقصـــى الحجاز وســراته
هو عــــزهــا الـلي منزله بين الاهداب =وهي درةٍ يضـفــي عـلـيـهـا عـبـاته
ترقد بامان الـــله وحـدودهـا تهـــاب =والد الاعـــداء راس مـالـــه سكاته
مــا غـــاب عن شعـبه ثواني ولاغاب =عنـها ويرعى المجد بــــاربع جهاته
ولي عهد وللـحــرس قـــاد الاسراب =حــرس وطـن درع الـوطن عن عداته
بنى الصروح ولـــه ثنا عصم الاشـناب = رمز الفدا غيث الدخيــــــل ونجاته
فــخــر الـوطـن في قايده عند الانشاب = اللي بنى صرحه ودرّب رمـــــــاته
جـــم الـتـواضع عـز من جاه منصاب =هو نصرة المظلوم بشرى بـــــــراته
تـــاج الـــوفاء تشريفنا عند الاجناب =في حكمته كم صف وحّد شتـــــــاته
اليا وقف يـهـتــز خـصـمه ويرتاب =واليــا انتـــخى الغافي صحى من سباته
حكيم لااخطى راي بالــــراي هو صاب= نعتز في رايه ونحفظ وصـــــــــاته
حبه رسخ بـقــلوب شعبه والاقــراب =يوم امتلكهم في نوادر صفــــــــــاته
صدق الولا فوق الـورق هاجــسه ذاب =من حيـث اعبر عن وفـــا تضحيــــاته

الوافي

.................


بو سالم


صح لساانك مدد بلا عدد


وبيض الله وجهك


وبارك الله فيك

ودمت بخير