مواقف مضحــكه في رمضــــان ( دعوه للمشاركه )

المشاركة الأصلية كتبت بواسطة دمعة بحر

انا عن نفسي اول سنه صمت سادس ابتدائي

وكنت صغيره مااتحمل الصوم

وكنت ارسل اختي لأصغر مني تسرق لنا اكل

وناكل تحت الطاوله

وقبل مايجي وقت الفطور نطلع ويعنني صايمه (( استغفر الله والله ماكنت اتحمل ))

بس باخر الشهر امي كشفتني >>>>> وطقتني طق مو صاحي لا تضحكون كلنا ننضرب

بس وين امي هالأيام افتقدها في رمضان آآآآآه قلبت علينا المواجع

عموما بعدين التزمت والحمد لله وصرت ما اكل لا تحت الطاولات ولا فوقها

خخخخخخخخخخخخخخخخخخخخخخخخخخخخخ

((دمعه بحرين مو بحر واحد))

روعه ذكرياتك

براءه في كل شئ حتى بصومك

طلولي
انا اذكر ولا يروح تفكيرك بعيد ابداً كنا نلعب بالمزرعه كره قدم
وكنت اصلا ظاغط على نفسي تحدي إني ما افطر
ورحنا نلعب الكره قبل الاذان بحوالي ربع ساعه خلصنا لعب رديت وانا ضمياااااااان
لا ومن فين كانت طريقي وانا راجع للبيت من تحت الشيب اللي بالمزرعه وشغاااال
لا ارادياً ماحسيت الا وانا واقف تحت الشيب اشرب واتروش بكامل ملابسي الرياضيه
ههههههههههههههههه

واحد من العيال الله يذكره بالخير كان معي يصيح يصوت وانا تحت الماء يوم شافني اشرب يقلي
لا
لا
لا
لا

انت صايم يقصد يبي ينبهني وانا
مع صوت الماء الله وكيلك

بغيت افحم من كثر ماشربت
هههههههههه


موقف وربي ما انساه
لانه في اول شهر صمته

أثاريكم مثلي ... وأنا الي كنت أحسب إني الوحيد الي له سوابق ..

عموماً المواقف متشابهة ..
و أول الأيام الي صمتها أخذت فيها إثم أكثر مني لو كنت مفطر ..
لسبب إني كنت أصوم ( رياء <<< عيني عينك ) ..

المهم ما يطول الهرج .. من المواقف ..

إني كنت مرة صائم , وجاء الوالد من السوق ببسكوت ( بسكوت صحاري ) , طبعاً أنا المشكلة إني صائم وإذا أنتظرت حتى الفطور راح عليه البسكوت<< بياكلونه الجماعة ,وإذا أفطرت كمان مشكلة لسبب إنه قرب المغرب والسبب الآخر إن الصوم أصلاً رياء وسمعه فمستحيل إني أفطر أمامهم ..

المهم إني تسللت لغرفة الوالدة وأخذت لي مجموعة بساكيت ودخلت دورة المياة , وما تسمع إلا مطاحنة الضروس ..
طبعاً لما خلصت رجعت لي الحيوية والنشاط وأحسست بطعم الحياة .. ولما أذن المغرب بديت آكل بشراهة عشان ما يدرون إني أفطرت, وهم ما علموا بأني قاعد أتغصب بالأكل ..

...........

الله يغفر ويتوب ..