جدولك في رمضان

هلااااااا أخوي أبو ريان
أما عن جدولي في رمضان فهو كالآتي ..

8,30 - 3 ......... مدرسة :24_8_105[أثناء الدوام بيكون في وقت فراغ أقرا فيه قرآن شوية ..

أنتظر صلاة العصر طبعاً لأنه يكون خلاص ماباقي عليها كثير
وبعدين :

4- 5 ............... نووووم ..

5- 8 زحمة فطور مع والدي ووالدتي الله يخليهم لي
وعيال أخواني وأخواتي الصغار الله يرج ابليسهم .. واخواني وأخواتي حبايبي
وطاش ما طاش !!!!!

وبعدين صلاة العشاء ... وتراويح ..

بعدين أتفرج على مسلسل إذا .. إذا في شي عجبني بالتلفزيون ..
وأحياناً بعد التراويح ... سيداااااااااا على السوق
بعدين تحضير دراسي ممل لحصص اليوم التالي ..

وأخيراً ... أنام بالليل على الساعة 12 أكون خلاص دايخة وأبغى أنام ومرات أنام الساعة 1

وأقوم قبل الفجر بنص ساعة أصلي ركعتين وأقرا قرآن وأشرب موية وأصلي الفجر وأنام مرة ثانية
وعاد على ما يجيني نوم مرة ثانية تكون صارت الساعة 7 أقوم الساعة 8 ونص دايخة تاني ..
وهلم جرااا

عشان كذا أكره المدرسة برمضان ...
لأني أتعب ولأني نفسي وأتمنى أسهر كويس .. بس ما يمداني ..

الله يعطينا الأجر بس ... والحمد لله رب العالمين الذي بنعمتهِ تتم الصالحات ..

أما عن النت في رمضان .. فماله وقت محدد لما يكون عندي وقت فراغ أو حاسة بملل ..

وشكراً لك أخوي أبو ريان ..
بس ليش ماتقول إنت جدولك بعد ؟؟؟
ياللا بانتظارك ..


أرق التحايااا لك