**~*¤ô§ô¤*~ الأيـام ~*¤ô§ô¤*~**

كثير من الناس تَجُور عليهم (( الأيام ))
وإن جارت فهناك من لا يتحملها .. فيقوم بأفعال تقابلها قد لا تكون لائقه
وهناك من يلتزم الصمت حيالها ... الصمت الذي لم أقبله هذه المره وقبلته في سنين مضّت
وهناك من يقابلها بأقوال وأشعار يشكي ظلمها وما قست به على حاله
هنا كان لي وقفه مع (( الأيام )) فأشكيها بطريقتي

كتبتها في يوم الإثنين 24 / 1 / 2005 م

وش بلى الأيام عيّت لا تِزين = لضّحكت لي ما تبيّن سنّها
غيّرتها قلوبنا وفعل اليدين؟ = أو هي من الأصل ذا مضمونها
مرضي الله ثم مرضي الوالدين = أدري أسباب السعاده بينها
صنتها والله ما أكذب يا فطين = وإعجزت عيني تحدّد لونها
مــرة ٍ زينـه ومــرات ٍ تشين = ليت بالزّينه رجح ميزانها
كل ما قلّبتها يسّرَى ويمين = شفتها ضدي طغى سلّطانها
أنتظر يمكن قسى بكّره يلين = وأنتظر حظ ٍ تعثر دونها
ليتها تعدل معي باقي السنين = واللي فات من العمر يفدونها

أتمنى تنال إعجابكم

أخي دايم الهنااا أسأل الله لك دوام الهنا
أبيات مؤثرة أتت من شاعر متمكن أتمنى لك التوفيق

يعطيك العافية يا دائم الهناء إن شاء الله

ليتها تعدل معي باقي السنيـن
واللي فات من العمر يفدونهـا


دايم الهناااا

صحححححح لساااااانكـ وعلا شااانكـ يالشاعر
قصيده في منتهى الروعه ..
أبيات قليله .. أتت بالمعنى كاملاً ..

الله يجعل لك من أسمك نصيب .. ويجعل أيامك هناااا


صح لسانك وقلبك وفكرك ..
ولاهنت ..

وحيااك ربي ..


رعاك الله

مشكووووووووووووووووور