لقاء خاص ومميز مع المصور القطري المحترف أوتـ(الحزن)ـار.. لا يفوتكم ..

السلام عليكم ورحمة الله وبركاتة
...

أخوي الغالي

سيـــف الساهـــر

معاني رائعــة...
كلام ينبع من القلب
تسلم يالغالي على الترحيب
وحياك الله اخوي
واسال وقول كل اللي بخاطرك
وحياك الله مره ثانيه ياخوي

^_^




وعساك على القوة يارب

اول شي احييك اخوي أوتار الحزن ..

لنا الشرف بتواجدك ويانا ..

صراحة فن التصوير فن جميل ورائع بالفعل ..

وانا اشجع هذه الموهبة بشدة لأني انا ايضا من عشاقها

لكن لأني بنت .. فتصويري في حدود تواجدي لا اكثر


اعجبت بصورك الرائعة والمعبرة ..

ما احب اطول .. لكن اكيد لازم استفيد من خبراتك

فــــ ..

سؤالي ..

هل الكاميرا هي اللي تحدد جودة الصورة وروعتها .. أم المصور هو اللي يقدر يضع الصورة بقالب الجمال بغض النظر عن الكاميرا المستخدمة ؟؟

اشكرك مرة ثانية اخوي ..

وموفق دايم بإذن الله

تحياتي

بنت العز

السلام عليكم ورحمة الله وبركاتة
...

أخوي الغالي

بقايــا عشـــق

هلابك الغالي

اسفرت وأنورت والله

ولاهنت على الترحيب الراقي واللي يعبر عن رقي وابداع راعيه

^_^

اخوي بقايا عشق سألني بعض الأسئله وقال ....


ســ 1 : ماذا تعني لك...

الأم.... البحر.... الدمعة ... الوداع .. الطفل

الأم

المرجع اللي ارجع له في كل شي

الوطن اللي يسكن بداخلي

القلب النابض اللي ماقدر امشي من دونه

الروح اللي تسكن بداخلي وتستوطن عروقيس وشراييني

كل شي يعني لي بالدنيا

...

البحـــــر

الشخص اللي عاشرته ولازلت اعاشره

اشكي له همومي وأحزاني وآهاتي

افرح بشوفته وارتاح له نفسياّ

...

الدمعــه

كبيره خاصه لو تذرف ويكون سببها شخص غالي

سم لو تذرف ويكون واها غالي وغال وغالي

كبيره بالنسبه لي ومااتمنى انها تكرر وتذرف مره ثانيه

....

الــــوداع

هاذا مالا أتمناااااه

...

الطفــــل

نظرة المستقبل


س2 : حكمه في حياتك؟

إذا رأيت نيوب الليث بارزة فلا تظنن ان الليث يبتسم

........

س3 : كلمنا عن شخصيتك؟

انسان متواضع والحمد لله على كل حال

احب الناس واحب اساعدهم

عمري ماطلبت مقابل لمجرد اني ساعدت شخص او وقفت معاه

ممممم

الحمد لله محترم نفسي والناس تحترمني

احب الصدق الوضوح الصراحه

...

س4 : ليس للطموح نهاية , لكن هل أنت راضي عن ماوصلت له اليوم ؟؟

الحمد لله راضي كل الرضا

لاكن مثل ماتفضلت وقلت الطموح ماله نهايه وانا لين الحين افكر بأشياء وعندي طموح كبييير في الحياة


س5 : يوم في ذاكرتك لن تنساه أبدا ؟؟

تمنيتك تحدد نوع اليوم

ممممممم

والله الايام اللي تترك اثر في الذاكره كثيره

لاكن ابي اذكر لك يوم عمري ماأنساه

بأني وفيت حق شخص وبادلني بالخيانه

هاذا اللي اقدر اقوله

س 6 : سبب اختيارك لهذا الاسم اوتار الحزن..؟؟

اسم

أوتـ(الحزن)ـار

أطلقته علي كاتبه قطــريه تكتب خواطر وتكتب مقالات عن الحياة الأسريه

وهي كانت ولاتزال قريبه مني وبكل ماافكر به

وتعرف مابداخلي

.....

اشكرك اخوي الغالي على الأسئله

ولاهنت



وعساك على القوة يارب

السلام عليكم ورحمة الله وبركاتة
...

اختي العزيزه

بنـــت العــــز

هلابج اختي نفي الموضوع

ومنور والموضوع والديار بأهلها

اختي شيئ رائع انج تهوين التصوير

واتمنى اني اشوف شي من تصويرج

^_^

اختي بنت العز سألتني سؤال وقالت ...


هل الكاميرا هي اللي تحدد جودة الصورة وروعتها .. أم المصور هو اللي يقدر يضع الصورة بقالب الجمال بغض النظر عن الكاميرا المستخدمة ؟؟

في البداية اختي الكاميرا عنصر مهم

لاكن بالنسبه لي انا فأنا اعتمد على التركيز في الصوره نفسها

وعلى المنظر اللي اصوره

وعلى الثبات في الصوره

يعني هي كلها عوامل اذا اجتمعت تكون الصوره من افضل مايكون

ولاننسى الجو

يعني يجب اخيار الجو المناسب

^_^

واشكرك على المرور والسؤال

ولاهنتي





وعساك على القوة يارب

أوتـ(الحزن)ـار

بلبلٌ من البشرى تربع فوق غصن روحي

معين مجهش الجريان يحاصر أشجار حسي

غيوم من الأناشيد تهطل فوق جديب شفاهي

وثمة نفحة من جنان الحب تداعب زهر أنفاسي



مرحباً بكل أهل تلك الأرض الجميلة . ترحيباً يسبق إليه نبض القلب قبل صوت اللسان . فأهلاً بك أوتار

أرجوا أن تكون اسألتي لطيفة على قلبك وروحك الصافية

هل أنت بصدد البحث عن الشهرة في عالم الإنترنت ، لتكون بداية انطلاقك إعلاميا ؟

في أعماق كل أنسان محكمة يبدأ فيها بمحاكمة نفسة ....فهل سبق لك أن حاكمت نفسك يوماً على مافعلته ؟

وأتمنى أن تطيب لك الاقامه هنا ونرى أعمالك الباقيه

تحياتي الفائقة إليك ولكل من أتحاح هذه الفرصة للتعرف اليك

وشكري الخاص لاخي الجرح . الذي أتاح لنا فرصة التعرف اليك عن قرب .


صوت المطر

نرحب بك أخي أوتار الحزن ... ونتمنى تقضي معانا وقت ممتع
وأتمنى لو عندك صور عن الرحلات البرية والتخييم ... تجيبها لنا


لان الرحلات البريه لها ذكريات عزيزه علي

وياريت ما ترفض طلبي

تحياتي لك

أسيرة الحزن

السلام عليكم ورحمة الله وبركاته

نتشرف في منتديات بني عمرو بوجود الأخ ( اوتار الحزن ) والحقيقة أنه مكسب للجميع .

حياك الله اخي اوتار الحزن والجميع سبقني في توجيه بعض ما بخاطري من أسئله وأستفدت من الإجابات الكثير ، لأن الشخص قد يقف أمام المنظر بنفس الكاميرا ونفس العدسه ولكن الفرق واضح في إلتقاط الصوره ... بين الهاوي والمحترف ...


الأخ أوتار الحزن أسئلتي تتعلق بالصورة نفسها :

* هل بقاء الصوره بنفس ألوانها الطبيعية افضل ، أم وضع مؤثرات عليها بواسطة إستخدام برامج؟
مثل الفوتو شوب على سبيل المثال ...

* هل لك صور بالأبيض والأسود ؟

وأخيراً بماذا تنصح المبتدئين في هذا الفن ؟

ويبقى الشكر موصولاً للأخ الجرح على إستضافته المبدع الأخ/ أوتارالحزن

تمنياتي للجميع بالتوفيق

مرحبا هيل عداد السيل
هلا بالابداع
هلا بالفن
هلا بالتميز
اهلا وسهلا بك ومرحبا عد المطر
مرحبا عدالسحاب اللي علي شمر لفت
اهلا بك يالغالي وانا والله العضيم احب هذا العمل بالذات لانه شي يجعل الذكريات تدوم من ايديكم
اهلا وسهلا يالغالي
ولي طلب بسيط
ابي معالم اثريه
لدولتنا الحبيبه الغاليه الدره قطر لا هنت

ولك تحياتي
اخوك عصي الدمع

أهلا بك عزيزي معنا و مرحبا بك معنا بمنتدانا

والله احنا ماخدين من وقتك كتير

مجهود تشكر عليه بردودك على جميع الاسئله


سؤال بسيط ولن اكثر عليك


أكيد انت حضرت مهرجانات كثيره بقطر .. وصورت


هل عندك بعض الصور التي تعكس لنا بعض جماليات هذه المهرجانات

وبنفس الوقت تعطي فكره للذين لم تسنح لهم الفرصه لزياره هذه المهرجانات


وشكرا لك

و مره اخرى مرحبا بك

انا بصراحه اتطلعت على بعض الصور

صور جميله جدا

شرف لنا ان يكون معنا ضيفا باحترافيتك

السلام عليكم ورحمة الله وبركاتة
...

أخوي الغالي

صـــوت المطــــر

اخوي الغالي

يعجز لساني عن وصف كلماتك العذبه

وترحيبك الأعذب

لاهنك يالغالي على المعاني الراقيه

اخونا الغالي صوت المطر سألني وقال .....


هل أنت بصدد البحث عن الشهرة في عالم الإنترنت ، لتكون بداية انطلاقك إعلاميا ؟

لا ياخوي ماادور على الشهره

صدقني اقدر اني ادخل في هاذا المجال واتيحت لي الفرصه اكثر من مره لاكن

انا مقتنع انها مجرد هوايه فقط

في أعماق كل أنسان محكمة يبدأ فيها بمحاكمة نفسة ....فهل سبق لك أن حاكمت نفسك يوماً على مافعلته ؟

تدري ياخوي

المحكمه اللي تقصدها يومياّ تفتح ابوابها وتستقبل الشكاوي اللي تنبعمن الظمير الحي

يومياّ احاسب نفسي قبل ماانام وانا حاط راسي على المخده قبل لاأرقد

افكر واقول من الي ظلمته انا اليوم بالغلط ؟

من الي تكلمت معه بطريقه مب حلوه ومب زينه

يعني احاسب نفسي واحاول اني اعتذر قبل ماارقد


لاهنت يالغالي على الترحيب والاسئله الجيده والاسلوب الراقي

^_^

تحياتي العطره لك



وعساك على القوة يارب

السلام عليكم ورحمة الله وبركاتة
...

أختي الغالية

أسيرة الحزن

هلابج الغالي

ولاهنتي على المقدمه الرائعه

اخونا الغالي اسيرة الحزن سألتني وقالت ...


وأتمنى لو عندك صور عن الرحلات البرية والتخييم ... تجيبها لنا


لان الرحلات البريه لها ذكريات عزيزه علي وياليت ماترفض لي الطلب ؟

اوكي يالغالية ماطلبتي شي

وهاذي بعض الصور

^_^

طبعاّ هاذا اخوكم اوتار في الخيمه



وش رايكم بشكل النار



المطايا عجبني منظرهم



وهاذي بعض الاشجار في البر

طبعاّ في الصوره هاذي انا استخدمت الفلتر القديم




اخوتي الغالية

اتمنى ان الصور عجبتج

تحياتي العطره لج



وعساج على القوة يارب

السلام عليكم ورحمة الله وبركاته
...

أخوي الغالي

ابوفارس

هلابك الغالي

ولاهنت على الترحيب الرائع

ممممم

اخوي الغالي ابوفارس سألني وقال .....

* هل بقاء الصوره بنفس ألوانها الطبيعية افضل ، أم وضع مؤثرات عليها بواسطة إستخدام برامج؟
مثل الفوتو شوب على سبيل المثال ...

ابوفراس

جبتها على الجرح مثل مايقولون

والله يالغالي المشكله هاذي منتشره واااايد يعني اشوف مصورين والله مبدعين

للأسف يدخلون الصور في برامج للمعالجه يوضحون الاضائه

ويفتحون الألوان يعني على حسب الطلب

هاذا ماسميه تصوير فوتغرافي لأن التصوير الفوتغرافي مثل ماهو ينزل للناس والكل يشوفه على طبيعته

اوكي العمليه وايد سهله انا مصمم جرافيكس اقدر امرر الصور كلها على برنامج الادوبي فوتوشوب واتعبث بهم واوضحهم
لاكن انا مستحيل ادخل اي صوره بالفوتوشوب واتعبث بها

^_^


* هل لك صور بالأبيض والأسود ؟

اي طبعاّ في صور وايد اصورها بالأبيض والأسود

وهاذي بعض الصور





هاذي الصوره في جبال سوريا الثلجيه




اتمنى ان الصور تعجبك

.....


وأخيراً بماذا تنصح المبتدئين في هذا الفن ؟

والله انصحهم بالممارسه

يعني يمارسون التصوير بروحهم اكثر شي

علشان يطلعون بألوان جديده وافكار جديده

ويبتعدون عن التقليد

بس

هاذي نصيحتي لهم

^_^

لاهنت يالغالي على الاسئله واسمح لي على القصور




وعساك على القوة يارب

مشكور أخوي أوتار الحزن

على الصور الروعه

والله يعطيك العافيه

يا مرحبا .. يا مرحبا ..

أحييك أخي أوتار في منتدى بني عمرو ..

وأشكر الأخ ( الجرح ) على إستضافة المبدعين دائماً ..

أنا ماعندي سؤال حقيقتاً ..

لكن صدقني .. وجودك هنا شرف لنا ..

أحييك مرة اخرى وأتمنى لك التوفيق في جميع المجالات ..

لكن لي عتب عليك ..

كنت أتمنى إنك تلتقط صورة ( الجرح ) من الأمام ...

لأني أشتقت لأسنانه ..

السلام عليكم ورحمة الله وبركاتة
...

أخوي الغالي

عصي الدمع

هلابك زوود يالغالي

وللاهنت على الترحيب الاكثر من رائع

اخوي الغالي عصي الدمع سألني وقال ....

ابي معالم اثريه
لدولتنا الحبيبه الغاليه الدره قطر لا هنت ؟

وهاذي بعض البيوت والأحياء القديمة من دولتنا الحبيبه

بعدستي المتواضعه

هاذا احد المساجد اقديمه في مدينة الوكره



وهاذي البيوت القديمة من مدينة الخيسه



وهني التصوير بالنظام القديم





<<<<<<, تــــابـــع