قصيدة من اختياري .. تحكي معاناة ..!!

هذه قصيدة وجدتها بأحدى المنتديات

لا أعرف قائلها ..!!

ولكنها على ما يبدو تحكي معاناة وواقعا يجمعنا كلنا وليس الشاعر الكاتب بحد ذاته

ورغم ما فيها من قوة في التعبير ونوع من النقد الساخر ..!!

الا أنها أعجبتني

وأتمنى أن تعجبكم ..!!

وش نفعنا فعل أبوك وفعل جدي = وش عطانا كل تاريخ القبيله
السوالف ماتجيب ولا تودي = والزمن أصبح نهاره مثل ليله
ناظر الدنيا وتفهم ويش قصدي= وين جدك وين هذاك الدليله
ماتذوق العز والحال متردي = لو تشوف الخير ماتقدر تجيله
علمونا نارد الموت ونعدي= مادروا وش صار بياع البليله
علمونا ننزل وبكره نشدي= والديار اليوم بصكوك الفضيله
علمونا نكرم الضيف المعدي= لاجل يذكرنا ويمدحنا قبيله
أكرمه لو كان يصلخ كل جلدي = ما اتعذر لو ما باليد حيله
كرهونا بالتجاره والمكدي = لو شريت وبعت ضيعت الجميله
والصناعه ماتخص عيال نجدي= لو تجي صناع ياكبر الفشيله
والمراجل تنوخذ صبح وهجدي= مادروا وش صار بياع البليله
والدراسه ماوراها خير يبدي= من درس ضيع حلاله عزتي له
ضيعونا والزمن كله تحدي= كيف ناكل عيش بعلوم جزيله
كيف يارث جنب بيت الله هندي= يوم ورثك نخلتين بالمسيله
شيخنا يبلش على تعيين جندي= ينطل بوجهه ملف(ن) جا يشيله
والموظف هيثم بن عماد سندي= يطرد الشايب ويلعن سلسبيله
وان درى انه كان فارس مايصدي=شبت النيران بقلوبٍ غليله
والسبايب ذبح خاله نقشبندي= ينتقم من فعل ربعك في وهيله
حنشلٍ من جوعهم محدٍ يعدي= خال هيثم حج وجدك محتسيله
من يروح للحجاز يقول بعدي= العيال وداعة المولى دخيله
يفخرون بكسب حجاج وعبندي= وكسبنا منهم ذنوب وحنظليله
عاد تدري ليه أنا بيحت سدي ؟؟؟= لا وظيفه .. لا فلوس .. ولا حليله

اخوي الجرح تسلم على هذا الاختيار الرائع وهذه القصيده تحاكي معاناة كل سعودي اصيل
اخوي الجرح تصدق ان الوالد اطال الله في عمره يذكر لنا انه في يوم من الايام ذهب الى مدينة الطايف في تجارة بيع الاغنام
وبعد ما باع ما عنده من اغنام عرض عليه الدلال الذي باع له تلك الاغنام عرض مذهل
الا وهو انه يوجد مخطط جديد في هذه المنطقه يباع فيه المتر بريالان وهذا المخطط هو برحة ابن عباس (القزاز)
وهو اول مخطط في مدينة الطايف وقال الوالد ان احد جماله كان محملاً بالريالات العربي والفرانسي وهي العمله المتداوله
في ذلك الوقت0 تصور اخي لو انه اشتراء في ذلك الوقت بهذا الثمن الزهيد ماذا سيكون حالنا اليوم
وذكر بانه بمقدوره شراء المخطط بالكامل0 ولكن للاسف النظره كانت محدوده