وما كل من يقرا قصيده معه ناي

المشاركة الأصلية كتبت بواسطة حنان ؛؛

لقلوبكم البيضاء واعتذر على القصور ومن لديه تعليق فمرحبا به

هذاالكلام ونبرة الصوت وحكاه؟=وهذا الطريق اللي بنيته لمعناي
احترت بين الناس والحظ ورداه=واحترت في بعضي إذا حب فرقاي
كنّي بروحٍ.. تشتكيني لمبغاه=وانا التي إن جيتها جاد مغناي
الحين يعني صرت للطعن مخباه =صار الدخيل وطاح في غبة اشْواي
اشلون أتف الريق واطعنه واجفاه=وارجع أدور بلّته وسط ذكراي!!
الله يا عدلي اذا جارما أقساه= ينسج خيوطه بين آهي ورجواي
يصدر قرارٍ غصب يلزمني أقراه= مجبور قلبٍ حس في طعنته راي
حسبي من الأفعال يا خلق فحواه= فعلٍ يفوح بطيب لو جاه شرّاي
زيف الوفا مشبوه.. والغدر ما اقواه= والطيب عزٍ ساريٍ عوده حذاي
هذا الكلام ونبرة الصوت فتواه= وهذي حقيقه تمتطي ألف وشّاي
الفرق شاسع بين ليلي.. وليلاه= وما كل من يقرا قصيده معه ناي

وسلامتكم


حنان آل فاضل

قلبك الابيض والله

من شافني قال ابتسم صاحب الناي
0000مايدري القانون صوت حُزن له

هلا وغلا فيك والله حنان
واسفين على التاخير بالرد كذلك !
روعه ومو بس روعه مذهله اكثر
ومعبره اكثر اشكرك وصح الله لسانك
رعاااااك الله


المسكت