اجواء تهامية بعد المطر !!

الصياد


اذا قانونكم كذا معناته القطة كلها عندي . هههههه

المشاركة الأصلية كتبت بواسطة ابوفهد العمري

الصياد


اذا قانونكم كذا معناته القطة كلها عندي . هههههه

وأنت الصادق يابو فهد دام إن كلام

المشاركة الأصلية كتبت بواسطة الصيـــ ( ضــــاري ) ــاد

أعز خوه وأعز ناس....
ومايعقلها الا شايب زي مايقولون
سوالف الأولين وخبرات الاولين وعلوم الأولين مطلوبه في مثل حالات التخييم
سمعت ان الأولين كانوا يشبون النار من قطعة ثلج ولا عندهم أي مشكله من زود الخبره....


عاد أبوفهد ننصبه إمام المخيم.....
وابوسيف مؤذن المخيم والهيئه بتفس الوقت .....

بس لوفيه طلعه ومخيم لازم نلتزم بقوانين المخيمات .....

الشايب يدفع القطه دبل ....
والمتين يدفع القطه دبل والمتن حسب قياس الصحه .....
عاد إذا شايب ومتين مشكلته عويصه ......

فمعناته لا تجون ههههههههههههه

تذكرت شروط التوظيف إللي يقول لازم يكون عندة خبرة كذا ورجوله الثنتين يمين ههههه

أبوفهد
انت الكريم وحنا نستاهل .....سمعت ان المتقاعدين فلوسهم كثيره ومنافعهم كثيره ومتطلباتهم الحيتيه قليله يعني ان قدرتهم الماليه تغطي المصاريف....
مهو مثلنا ناشبين في الأقساط من اول يوم دوام ولآذاننا ....
لو تطير نسمه هوا عابره بطاقية راسه ماقدر يشتري طاقيه ثانيه وقلب الأمور لتشخيصه قطريه ...




الله يهداك يبوسيف هللحين اقول اعز أخوه والخبره الأوليه مالنا عنها بد
وتقول ان ورى الأكمه ماوراها وان الشباب يحسبون حساب لفروقات الأجيال

أصلاً معنى المخيم برا ان الطبيعه طبيعتكم والشباب اللي تعود على الشبكه

والشاني والحمضيات طالعين المكان الخطأ ....
وأنتم الله يحفظكم ويطول أعماركم أنتم اسياد الطبيعه الخلاويه وقتها لو بمجرد التوجيه

والقانون مكمل للآداب العامه إذا طلع معنا كبير سن مانشغله وسط دخنة النار

وقربعة القدور وتقطيع البصل والشيله والحطه ونحافظ عليه من تقلبات الجو الفجائي
يعني لو تلتف عصبه في ظهره نشب المخيم كله في مسائل تأنيب الضمير....

فالقانون يحفظ لكم التكوه بوسط الجلسه من غير احساس بالذنب ولا منّة أحد
والمطلوب منكم التوجيه بس... يعني تقط دبل او ضعفين أو ثلاثه وتستلم دفة القياده.....

أذكر مره طلعنا مخيم بدون خبرات كلنا شباب وكذا

وطبينا بتغاريز وماكان قدامنا حل الا نستخدم الخيم تحت كفرات السيارات عشان نطلع السيارات...

المهم ماوصلنا المكان المنشود الا وسبقنا الليل وخيم....
فكل على راسه من التعب والإرهاق بات في العراء وحيداً مجندلا....

وأصبحنا الصبح لمّينا قشنا ورجعنا وفي الطريق مرينا تغاريزنا وجمعنا اشلاء الخيم المقطعه
والوحيد اللي سلم تيس الطلعه ....
ولاحنا رجعنا مبقعين بقع من قرص البعوض اللي مسوي مملكه عند مجرى المويه.....