乂♥乂 اكتبيني يَ حروف في عيونه قصيدة..وش تقول حق الي ببالك 2.. 乂♥乂

قال انا كني غريب ٍ ضيّع دروب المدينه

...................... قلت انا كني مدينه تنتظر رجعة غريب

قال اجل وشفيك تكره سيرة الحب وسنينه

...................... قلت اجل وشلون ما اكره سيرته دامك تغيب

انت لامن غبت حتى مرايتك صارت حزينه

...................... كيف ماتبغاني احزن وانت لي حظ ونصيب

الهدايا والرسايل والمكاتيب الثمينه

...................... والليالي والقمر والريح والكون الرحيب

كل ماتبعد .. تجيب الشعر ليّه من يدينه

...................... وتقعد جروحي تودي فـ الطواريق وتجيب

يابعد كل القصيد ونزوة احْداه وانينه

..................... لاذكرتك .. لاح بيت , وطاح ورد , وفاح طيب

وان نسيتك مانساني صوتك المبحوح لينه

...................... ياخذ لجرحي بـ ثاره من خطاياك ويطيب

وبعد هذا جاي ترمي ذنبك بوجه المدينه

...................... مادريت ان المدينه كلها شمعة غريب



ليلتكم مسسسسساعديه