أبيات أعجبتني 00 كل واحد يشـارك

أذهلتني من حلاها طيحـت قلبـي بيّديـه
عذبت كم عذبتنـي توهـا بـأول صباهـا

الله أكبر يالعيون الي غدت سحـر(ن) عليّـه
لاتثنى رمشها الفاتن نست من هـو معاهـا

كنها ما كنهـا الاّ يافهـد شمـس ضويّـة
لافكّكت هاك الجدايل تشرق الدنيا وسماهـا

ولاسلت سيفها اللي يقطع قلـوب البريّـة
ياعسى الله يحفظ اللي زودت فينـي غلاهـا

عطرها منها وفيهـا بالخـدود النرجسيّـة
كل ما هبت نسايم بآتعطـر مـن شذاهـا

وقلبها ياقلبها اللـي بالمـلا ماشفـت زيّـه
كيف ألوم القلب فيها لو يبي يآخذ عطاهـا

رمشها لحظة خجلهـا ينتشـر بالخـد فيّـه
كنها قمرة وتكسف شمسهـا حـزّة لقاهـا

لامشت قامت تمايـل كـن مابـه جاذبيّـة
تسحر الي منخلق له قلب من شـدّة حلاهـا

لاحكـت والله كنـي أتسمـع عازفـيّـة
تطرب القلب المعذب من يلوم الـي هواهـا

بحّة(ن) بالصوت فيها والحـروف الأبجديّـة
خايفة لاجات تطلع منّهـا تجـرح شفاهـا

كلّ ما أرسمها تضيـع بصفحتـي هالآدميّـة
يختلط لون الورق مع لونهـا ويّـا ضياهـا

ولو تشارك في جمال الكون جـات الاوليّـة
تاج عرش الحسن والله مايجي لأحد(ن) سواها


*
*
*

من حقوقي