الحديقة الخلفية !!

.

أحيان ينحاسـ عندكـ المزاج فتقوم تهلوس وتدندن ع كيفكـ

بس في النهاية تلقاكـ كتبت حاجة , لوما هي زينة اقل شيء ترجع بعدين وتقول ..

يااااااهـ انا مدري ليه كتبت هالفتيت وتصبح .. ذكرى

هكذا كان حالي الليلة !

.

,

تقول ,, وشهو مـــزاجكـ ؟ قلت مالي مـــزاج

,,,,,,,,,,,,,,,,,,,,,,,,,,,,,,,,,,,,,,,,, مرة في ارض الشــــمال ومرة(ن) بالجــنوب

.

كني مــوزع عـــــلاج(ن) مـــا لقي له رواج

,,,,,,,,,,,,,,,,,,,,,,,,,,,,,,,,,,,,,,,,,,, وإلا مـــروّج حشـــيش وطـاح باهل الحبوب

.

معـ انّي والله ما امشي بالـــدروب العــــواج

,,,,,,,,,,,,,,,,,,,,,,,,,,,,,,,,,,,,,,,,,,, لكنّي احبّ انبّـــش في طــــرايـــا القلـــــوب

.

انـــزل بســـوق الذهب واحيان آمرّ الحراج

,,,,,,,,,,,,,,,,,,,,,,,,,,,,,,,,,,,,,,,,,,, اخـــالط النــــاس وامشي في وساع الدروب

.

آشوف ســـوق المعـــادن من سبايكـ وصاج

,,,,,,,,,,,,,,,,,,,,,,,,,,,,,,,,,,,,,,,,, وآشوف روادهـــــا فيهــــم ردي وامحــــبوب

.

نظّـارتي عاكســـة للشـــمس ضد العجـــاج

,,,,,,,,,,,,,,,,,,,,,,,,,,,,,,,,,,,,,,,,,,, سيفي صقيل(ن) وعنــدي خيل مثل الهبوب

.

الصاحب اسقيــــه شـــهد وللمعــادي هماج

,,,,,,,,,,,,,,,,,,,,,,,,,,,,,,,,,,,,,,,,,,,, صنعت لي م المحبـــة تـــاج والديـــن ثوب

.

اذا عرفت العِـــــلل يســـهل عليّ العـــــلاج

,,,,,,,,,,,,,,,,,,,,,,,,,,,,,,,,,,,,,,,,,,,, والعِلّــة الكـــــايدة ماني عليهـــا إمغصوب

.

إن شِفت مالي مع العــــالم مكـــان وخـراج

,,,,,,,,,,,,,,,,,,,,,,,,,,,,,,,,,,,,,,,,,,,, سحبت نفســي بعيـــد(ن) عن محل العيوب

.

لكن تــــدرون وش سبّب لي الانزعـــــاج

,,,,,,,,,,,,,,,,,,,,,,,,,,,,,,,,,,,,,,,,,,,,, إنّ العرب غير عن كل البشـــر والشعوب

.

إمّا فخــــور(ن) تقول انّه ملكـ دون تــاج

,,,,,,,,,,,,,,,,,,,,,,,,,,,,,,,,,,,,,,,,,,,,, وإلا غشـــــيم(ن) اذا جيتـه كسبت الذنوب

.

وشــــلون تلقى مع العـــربان فنّ ومزاج

,,,,,,,,,,,,,,,,,,,,,,,,,,,,,,,,,,,,,,,,,,,,,, وهم طـــوايف يشـــبّون الفتن والحروب

,

استروا ما واجهتـــــــــوا

ولاله يَ الخيزرانة ,, اهل الهوى ميلوكي