أبيات أعجبتني 00 كل واحد يشـارك

أنا من دار يكفيني هواهـا=ويبري لوعتي شربي لماها
وشوفي من نبيه ومن نـوده=غزال تابـع قلبـي هواهـا
غزال ضيعت عقلي وروحي=رمت قلبي وقلبي ما رماها
لها بالروح وفوادي مـودة=ولا شي من احوالي خفاهـا
تعرف اني لها مملوك طايع=ابيع الروح في دورةرضاها
اهيم بحبها واخفي جروحي=وقلبي ماعشق زول سواهـا
توقد حبها باقصى فـوادي=ونار الحب يحرقني لظاهـا
ملكني بالهوى عذب السجايا=ولا اذكر ساعة قلبي نساها
نحيل الخصر وضاح الثنايا=نظيم الـدر منظـوم بفاهـا
فجعني بالهوى ورقا حمامة=الى غنت يذكرنـي غناهـا
يذكرني وليف غاب عنـي=وعيني منه جاها ما كفاهـا

يضيق صدر الشعر لاضاق صدري=واليا بكيت ابكى السحابة نحيبه
القى جنود القاف خدام شعري=كل واحد ٍ منهم يفجر كتيبة
تحني الحروف جباهها طوع امري=تفدي شعوري .. ترسمه .. تستجيبه
تنذر دماها والمعاليق نذر ِ=واسقي عطشها من نزيفي لهيبه
حلو القوافي غارقه وسط بحري=وصدق المشاعر فاض مني شعيبه
الشعر في دم الغنادير يجري=صدق وعهود موثقات ٍ صعيبة
لاباعن الأشعار سري وجهري=ولا ساومن الشعر بارخص ضريبة
في شعرهن الحب عنوان طهر ِ=ماهو حبايل صيد وبنوك ريبة
لعيونهن الشعر وسواس قهري=احذف قصيد الحب شف وش بقي به
مايكتمل زين الزهر دون عطر ِ=ومن دونهن كل القوافي عطيبة
إما كتبن القاف وازداد فخر ِ= والا امطرنه في القلوب الجديبة

الله مـــــــــن لـيــــــل ســـهــرتـــــــــه ولا نـــــمــــــــــــت=كَـنّْــــي قـــــريـــص الــــــداب مــــن لايــــــع الـهـــــم
يـــــوم لنـجـضـعــت وجــــــال وســــط الـحـشـا قـمــــــــت=مـتـغـــانـــــمٍٍ حـــــــــدب الـقـــفـــص لا تـــحــطـــــــــم
قـــلــــت اركـــــد انـــــا مـــــــع يـــمــومـــك تـيـمـمـــــــت=وقـــــال الـكــــــرا عـــن مــــــوق عــيــنــك مــحـــــرم
ومــــــع كـــــل طــارنٍ دار بـالـفـكــــــــر ســجـــمـــــــــت=صــــاحـــي وكـَنّْـــي بــــــالـمــــنـــــــــام اتــــحــلــــــم
وعـــــرض لــي الـحـــاضـــر عـبـــوس وتـــــــــألـمـــــت=لـيــتـــــه عــــرض لــي مـــــاضيٍٍ غـــاب لـــــه كــــم

البارحة في لذيذ النوم لاقيته = حلوم جابت لطيف الروح خدّاعه
فزيّت ارحّب ودمع العين هلّيته = رميت نفسي وجا راسي على ذراعه
ضمّيت خلّي وفوق الصدر لمّيته = والروح من كثر ( العناااا ) دوم ملتاعه
احسب وليفي يناديني ولبّيته = سمعت صوته وقلت السمع والطاعة
يشكي وانا اشكي وبكّاني وبكّيته = وانا احسبه علم(ن) قضينا ربع ساعه
كذّاب يالحلم ان ما كان فكّيته = افكّ سارق فؤادي من ورا اضلاعه
اذا مسكته وصافحته وهدّيته = القلب عنده ولا اطالبه بارجاعه
ليته تركني وخلاّني وخلّيته = لكن خذا قلب من مخلوق ما باعه

يا طبيب الناس ما عندك دوايا = علّلتي بالقلب عن عينك خفيّه
لي سنه وشهور والعلّه معايا = والدوى معدوم عند الصيدلية
الله اللّي مطلع سرّ الخفايا = لا نوى نجّاك من حوض المنيّه
ليت قلبي ما تولّع بالصبايا = ليتني ما شفت مجلّي الثنيّة
طول عمري ما تعمّدت الخطايا = اعذريني يالعنود الغشمريّة
والهوى ممنوعة(ن) فيه الشكايا = يا قتيل الحبّ مجهول الهويّة
يا لطيف الروح في حبّك مزايا = لا حشى لله انا ماشفت زيّه
روح يا مملوح واسرارك خفايا = عندنا اسرار الهوى دايم خفيّه
عندنا الاسرار ما تعطى هدايا = وعندنا المخلوق ما يغدر خويّه

قلت ياقلبي علامك قـال احبـه ثـم احبـه=والمحبـه يافتـى تاجـي كـذا والابلاها

تصور بس في لحظه لقيت إنك تواسينـي=تركت العالم إبلحظه بوجهك وانت تشفيني

إنت غير الناس عندي ..

إنت عندي شي كبير ..

كيف أبصبر وانا شايف ..

ناس من حولك كثير ..

وانا احبك وأقولهالك ..

كلمة خليها في بالك ..

أنا ماني أي عاشق ..

أنا لما أعشق أغير ..

والله لما أعشق أغير ..

يا ساكن(ن) في وسط قلبي مقيم = يا مالك(ن) قلبي بليّا صكوك
سلمّت لك مفتاح قلبي سليم = واليوم انا اشوفك تدكّه دكوك
ابيك تسكن فيه دايم مديم = ماريد غيرك لو بنات الملوك

يـا عـم أنـا شعـري بسيـط و واضـح لقرائـي=مقتنعه بان شعري عُمُرْ ( عمق اللغه ) مـا فـاده
في هرجـي إصطـاد التفلسـف حرفـي الغوغائـي=لكـن قصيـدي مـا اعرفـت هالفلسفـه تصطـاده
ذا الشعر لو صـار امتسربـل بالغمـوض و نائـي=مـا يطـرب الصـب الحزيـن و لا يهـز فــواده
شعـر الرقـي الفلسفـي عاجـز ينـال إرضائـي=يـا كيـفِ تطلبنـي أنـوّخ حرفـيْ لاستـبـداده ؟!
يا عم انا ذوقـي كـذا / رجعـي / قديـم / بدائـي=قهوة مزاجي من زمـاااااان اشـرب حلاهـا سـاده
(اعشوشب) (اغصوصن) ( تَوَغّلَ في مدىْ استحيائي)=ياهـي معانـي ترفـع الضغـط و تقـض رقـاده
يا عم انا ازعل من يقال إن الغمـوض ( نسائـي )=كل ما قـروا تخريـف قالـوا : أنثـوي كالعـاده !!
و ان صادف ابيوم و شمـل تحطيمهـم ( إمضائـي)=قول : اسمحوليْ ( النبع ) مو من ظمنهن يا سـاده

	يا شوق من يقدر يجاريك يا شـــــــوق **** كل عاشق(ن) ودّه تجاوب سواله يا شوق لك منزل حشا كلّ مخلـــــوق **** انس(ن) وجنّ وكلّ روح(ن) تنالـه يا شوق من بلواك تتحنّن النّــــــــــوق **** والطير في عالي السما والغزالـه يا شوق حتى الأرض إن لمعت بـــروق **** تهتز من تسبيحها لذي الجلالـــــه يا شوق ملقى في دعاويك منطــــوق **** مدري وش اللّي ينصرك بالنّزالـــه يا شوق خلّك في بلاويك مرفــــــــوق **** ما عاد تتحمّل أنفاسي علالـــــــه يا شوق أمرك من يد الله معتـــــــــوق **** ون حان موتك ما غلبت العدالــــه يا شوق من زدّ المخاليق لـــــــك ذوق **** مرّن مذاقه ولا تزيّن خصالــــــــه يا شوق مالك فالمعاناه مسبــــــــــوق **** يخشاه أقوى البشر إن مرّ لالــه يا شوق هوّن وارفق بقلب محــــــروق **** منه البعد ماخذ ومرسي نبالــــه يا شوق ما عاد الوصف بيك مرمـــــوق **** مدحك بعيد ويا صعوبة منالـــــــه يا شوق إن تغرب أنا عنك فشــــــروق **** عسى لقاك يكون يوم(ن) محالـه يا شوق ما لي غير صبر(ن) على عوق **** لو كان أصعب من ثقيل الجبالـــه يا شوق سلّمتك فوادي ولعـــــــــروق **** لا منقذ(ن) لي غير ربّ الجلالــه

بنت ناس(ن) رفيع المستوى جدّها = كلّ من حولها يمشوا على ماتريد
وان وصلني انا مكتوب من عندها = كلمة(ن) في رساله قلت ذا يوم عيد
افتحت باب قلبي واسكنت وحدها = بين هدب الضلوع وبين حبل الوريد
ابيع روحي رخيصه واشتري ودّها = وان حصلّي رضاها والله انّي سعيد
لو ترى حالتي لامن طرى ذكرها = كان حنّت عليّ لو قلبها من حديد

الله لا يجيب الزعل .
.

بينك وبيني .
.

وإن زعلت .
.

أرضيك أنا يانور عيني .
.

تضحك الدنيا بعيني .
.

لا رضيت .
.

واقبل أعذارك واسامح .
.

لو خطيت .
.

لو أقول إنك حياتي .
.

ما وفيت .
.

كيف انا اضيع حياتي من يديني ؟!!!

،

،

،

الله لا يحرمني منك .
.

ومن حلاك ومن دلالك .
.

ما تمنى غير شوفك .
.

تبتسم مرتاح بالك .
.

أنا محتاج لحنانك مهما كان .
.

شوفتك عندي لها قدرٍ وشان .
.

إنت في بالي .
.

واحبك من زماااااااااااااان .
.

انت .. من يقدر يخيـّـب فيك ظني ؟؟

،

،

،

لو تخيل لك غيابي .
.
لا تقول اني نسيتك .
.
صدق احساسك وقلبك .
.

أنا من قلبي هويتك .
.

انت في بالي .
.

الأول والأخير .
.

لو تغيب شوي .
.

توحشني كثير .
.

وش ينسيني .
.

وأنا عاشق واغير .
.

وش كثر عانيت .
.

حتى اني لقيتك .
.

يا الصافي المصيون يا درّ مكنون = يا جوهرة غابت عليّ في بحرها
غابت وسط غبّ البحر قلت وشلون = واللّي يغامر بعدها ما خسرها
الموج عاتي وازرق اليمّ مجنون = أجيب من عقب السباحه خبرها
أشوفها بالعين وضّاحت اللّون = أوضح لعيني من مشاهد قمرها
أحبّها يا ناس بالعون بالعون = ما علّقتها غانيه في بحرها
أشره على اللّي قال بالهون بالهون = لا يا بحر ممنوع تاخذ صورها

لو طرت كلي عليـه ونمـت " بحظينـه " = بـردان .. والبـرد مايحتاج..له..حنّـه
وش ذنب جرد السنين تموت مسكينـه = وقفّى وبقت .. هالسنين الجرد .. يبكنّه
صوفر فراقه ولا ادري شـبيني وبينـه = يـومٍ دروبـه بليّـا عــذر ودنّــه
اغليه لو غـاب منـه لأصعبـي لينـه = وتوله عليه الضلوع اللـي لهـا خَنّـه
محتاج اضمـه ليـا زفْـرَتْ خيزرينـه = وارويه .. واشهق سؤالين .. بْمِيَة كنّه
وش حيلة اللي شماله ضاق في عينـه = دام المدى جرح واطراف المدى الونّـه ؟
ودام الصدر عرش .. وجروحه سلاطينه = لـو ينتحـر تعتقـد مايدخـل الجـنّـه ؟!!!!!