يا اهل القصيد

يا أهل القصيد امسيت والفكر محتـاس = واصبحت والتفكير شرق وشـــــامي
ماأدري وش اللي صابني داخل الرآس = خلاني اعيد النظر في كــــــــــــلامي
كنت احسب ان الناس تتقبل النــــــاس = حتى ولو هي ما تعرف النظــــــــامي
لكن يا حسره ظهر قوة البــــــــــــآس = بين القرايب واصبح الحرب حــــامي
حتى الخوي من خوته بين اليــــــــآس = واصبح يشك ان الموالي حــــــرامي
صحيح ما عاشرت مبدين الافـــــلاس = لكن توصلني علوم عظـــــــــــــــامي
حفظ العهود اصبح مساره على ساس = مصالح بين الرجال ولــــــــــــــزامي
أدرى الطيور اشكال وانواع واجناس = لكن يظهر صقرها حين حــــــــــامي
والحر والوكري مع طير قرنـــــــاس = سلاله الشاهين صقر قطــــــــــــامي
والقلعه اللي حولها جند حـــــــــراس = اكيد صاحبها شديد وعصــــــــــــامي
يضرب بسيفه كل خاين وخنـــــــاس = وﻻ يهمه دوم كبر الاســــــــــــــــامي
وان جاته الشكوى دسيسه بقرطــاس = صادق عليها بعد قول المحــــــــــامي
ماهو من اللي عاقبه كل وســــــواس = في كفه اليمنى وثيق الزمــــــــــــامي
واهل المثل يقلون يا ﻻبس البــــــاس = ألبس لغيرك وأردفه الاحتـــــــــرامي
وابعد عن اهل الكبر وفلول الانجاس = ترى مرافقهم يجيه العـــــــــــــــدامي
وهذي نصائح لي وللغير تنقــــــــاس = بمعدل التفكير وايضا المقــــــــــــامي
من قبلها يسلم وأنا أقول لا بـــــــآس = واللي رفضها راح منه إهتمـــــــــامي