مساواة أم تحول تجاري وقوه إقتصاديه صاعده

رهيب الموضوع ..
ندخل في السبب الرئيس لطرحه ألا وهو كثرة أغراض الرجال هاليومين وبالتالي
كيفية حملها وطريقة التعامل الصحيحة معها ..
ببساطة أقولك من وصل به الحال إلى هذا المستوى أتوقع إنه سيضطر لحمل شنطة ..
عاد هو اللي ورط نفسه ..
طيّب فيه حل ياخذ شنطة رسمية للعمل ويجعل فيها كل أغراضة ..
اووووه بس المشكلة خارج الدوام
تدري والله قلبتها يمين ويسار وحاولت أجد حل لهذا المثال وما لقيت ..
أقولك جيوب ثوبك ولو يطلع شكلها أكياس دقيق فضحكهم على المنظر أهون من ضحكهم على الهوية ..
تذكرت موقف وقت كنا بملعب إحدى القرى لوجود مباراة بيننا وبينهم ..
تأخر لاعب منهم وجاء واحد ( شبه أعرابي ) من نفس قريتهم بس بدون تكميل رياضي ..
قالوا كملنا لحد ما يجي فلان نزل وكملهم وربط غترته بوسطه وجيوبه مليانه أغراض ..
سألته بوقت توقف المباراة في إحدى لحظاتها والله وقلت وش بجيوبك ياخي ونزلها وارتاح ..
قال هذا حجار ( بطاريات ) وخلها بجيبي شحنات كهربائية تزيدني قوة
ضحكت من قلب وعدا الموقف وكمل المباراة وكان له دور رائع مع فريقه من البداية للنهاية ..
ممكن لو جاء أبو لبس وطقم رياضي مزركش ما يسوي سواته ..
مختصر الكلام لعبت فينا بموضوعك لأني دائماً أحب أشارك بحل لأي موضوع بس هالموضوع
مبرمج ومشكلته مشكلة ..
تقديري ..