طلب بسيط !

، الشَاعر المُهندس يِقولكْ "خَلف بِن مشعان " كَثر التَواضع بِالنخل كبّر مشاريه النجيل إنّه يطاول قَامته ، لاشك مالله قالها وَ أنت هُنا شِاعر كبّرت مشاريَهنا عَلّنا نَسمو لِ حرفكْ وَ " لاشك مَ الله قالها " بِداية سَ أتطرق لِ أساس المَوضوع وَ هي أبياتكْ اللي تَحمل شاعرية كبيرة بِالأخص مَع تغيّرك المَحسوس بِ الأسلوب الشِعري ، سَ اتطرق لها مِن باب التَذوق لا أكثر ، فلا أرى نَفسي هُنا إلا " فِقيرة حرف" ، " كَريمة رأي " ! وَ إسمح لي أن أُسهب بِ إقتضاب .. الهم خيّـــــم بالحشــــا واشـــــعل الضيّ رتّب فنـــــاجيــــــــله وقـرّب دلالـــــــه كَ عادة كُل الشُعراء ، الإستهلال دائِما يكون بِترتيب الشِعور عَلى هيئة صُور مختصرة متنوعه بليغة ، بِالأخص أنها مدخل لِخلجات المحسوس والملموس في بيئة الشاعر الحاضِرة ! بيت جَميل جداً الصَورة مِن بيئة الشِاعر في وقت " الخيال" " خيم " ، " اشعل " ، " ضي" ، فناجيل" ، " دلال" هَذه مُفردات تَسوق لِصورة شعرية متكامله ، وَتمهد لحفلة "هَم" عَلى غير ميِعاد ! نـاره بجوف الصـــــدر ما وفّــرت شيء كنّـــــه على صــــدري ,, مسوّي وكاله هُنا الصورة الشِعرية جَميلة ، لِكن "مسوي وكاله" أخرجتنا مِن حياة البادية وَ المشَهد السابق لِ مشهد " متناقض بعض الشي " او ربما " مُركب بِشكل داخلي " مَع احساس الشاعر ، وَلكن تُفتقد الوصلة الشِعرية بين الشطرين ! فـ " ناره بجوف الصَدر ما وفرّت شي " _ النَار تَاكل كل شي قِدامها ، لو قلت _وَ هذا من باب " التفلسف ؛| " _ ناره بجوف الصَدر يِحلالها الشّيّ كنّه على صَدري يِفّوح دِلاله ! مُمكن تَكون أرتب بس القافية تكررت مع التغيير . امسى يســـــولف لي عن الميـت والحيّ ســـــــاعات خلّت حــــالة القلب حــالة بما أن الهَم خَيم واسترسل و" سوّا وكالات" وعلووم .. أكيد الحين وقت النَقله الإسترسالية مِن الأبيات التمهيديه السابقه لِلبوح عن المكنون لاحقاً ، وَ "أمسى يسولف " هذا الهم ثرثار " إذا مَ ترك لا حي ولا ميت إلا وَ سولف عنّه ! بيت يشد الإنتباه للقادم ، وِمقدار ثِقل هذا الضِيق وَ كَما ذكرت في قراءتكْ "ضيف"! والآتي شكوى : شكيت لــه حُب(ن) حــــداني على الغيّ اعطيتـــه القصـــــة وشــــاف الرســالة ضحكـ عليّ وقــال تصبـــر على الكيّ ؟ ترى هــوى المقفيــــن غبــن وهبـــــالة هُنا تتدرج النَصيحة : لا تـــامن الضحكــــــة وتبـدي كرم طيّ حتى تشـــــوف الــدرب قبلـكـ سهــــالة من ســــار بالصحراء وهو ما معــه ميّ يلقى الظمـــــأ والمـــوت فيهـــا لحــــاله والشجـــــرْة اللي مــا يجي حولهــــا فيّ في ظلّهـــــــا لازم تـــــدوّر ظـــــــلالة | ناب الهــــوى ياكـــــل فــــؤاد الفتى نيّ ومخــــــالب الفــــــــرقا تقطّـــع حبــــاله | هذا بِيت القَصيد ، بيت مُتكامل وَ بليغ لَحد كبير شَبهت الهوى بِ وَحش ذو ناب وَ مخلاب ، وَ أيضاً إكتمل الإحتراف حين ادرجت المفردة : [ نيّ ] في الصورة ، بِدلالتها على أن الفؤاد لازال نابض بالهوى وحيّ بالشعور وَ طريّ بِجانب الحَدة والإفتراس ! أهنيك عـ البيت .. إنكــــان ما صدّقتـــني صبـــركـ اشويّ واللْه إنتشــــوف العــــاقبــة في عجـــالــة [ لا تطــــــرد المقفي ولا تنشــــــد العيّ ] انا اشـــــهد انبعض المفــارق جمــــالة _ هُنا تَشطير جمييل جداً / لبيت إبن جدلان : | لاتطــرد المقــفي ولاتشــاور الـــعي | قــــدام ياكلـــك النـــدم والحســـوفــــه صَح لسانك عليه ، وَ على الثراء في الأساليب الشِعرية داخل قالبها الغني اساساً حساً وَ معنى . حُب(ن) بليا وصل ,, دار(ن) بلا ضيّ يبــس(ن) فناجيـــــــله وظمي(ن) دلاله هـ الخاتمة تعدت الإحتراف وَ للتّذوق فَقط صَح لسانكْ يَا شِعر ودام المِداد لِ حرفكْ التقدير وَ لِ الأبيات كُل الفَخر بِأنك قائلها _ بالحديث عن الحقائق اللي ذكرت اول الموضوع عن النَقد وَ الحِوار وثقافة تقبل النقد وَ التدارك للأخطاء ، خل اقلك حاجة بدون م اتصّنع المثالية أغلب الشُعراء " لايتقبل النقد " ابداً في " حالة نشوته " ب القصيدة وَ هذه تقريباً في الـ 48" ساعه الأولى على مولدها ، لذلك انا عَن نفسي أأجل نَشر ابياتي لِما بعد هالفترة لإن الأبيات الجميلة رح تحتفظ بِ نكهتها حتى بعد زوال " الشُعور " او " السبب" لكاتبتها من الأساس . كُنت في فترة ما بين 2010 الى 2012 أسجل بمنتديات شِعرية لأجل النَقد فقط وَ أعرض لهم أجمل شِي كنت اكتبه وقتها ، وَ ياما تِكسرت مجاديفي وَ ياما كسّرت مجاديف الأبيات بس كانت بِكل " كَسرة " تَقويم ، وَ شوي شوي لِين أستفدت الحمدلله ، بيني وبينكْ الأكثر فعالية مِن النقد وَ التوجيه "الممارسه" ، واقصد بها المحاورات وَ التحدي وَ الخروج عن نمط الحاله الوجدانية الى حالة ذهنية أكثر متعة وَ دهاء . وَ كمان حابّه أضيِف شَغلة ، عـ مسألة النَقد ، بِالذات بِ المنتدى هِنا ، عندك الشَاعر الأديب / [ ابو ريان ] أبو ريان متواجد بِ أغلب مَواضيعي وَ كان سبب في تَغيير أسلوبي وَتطوري أتذكر كِل مره كان يوجه لِ شيء مُعين ، بإسلوب جَمييل وَ بدون إنقاص , لكن فيه هنا كمان وبالمنتدى ،أعضاء مِ يشاركون بمواضيعكْ عادةً ثم " ينطّون " بِنقد على غير سَنع ! هَذا الشيء مُستفز ، يمكن هالشي يضايقني أكثر شي مالكم بالطويلة .. اللي يبي ينقدني بِ نزل ابيات بعد شوي وحياكم الله جميع ، بس اول ردوا ع المواضيع اللي نزلتها كلها ثم تناولها بالعافيه تحيات كبيرات ي المهندس