أبيات أعجبتني 00 كل واحد يشـارك

صارحتها عن كلّ مكنون مخفي = اللّي بقلبي من العنا والبهاذيل
وافصحت فيما قلت عنها بوصفي = بيت(ن) تناول كل معنى بتحليل
وش عاد لو نجحد ونكتم ونخفي = حبّ الذي حوّل حياتي غرابيل
يا غاية المطلوب يا شف شفّي = هذي سنة مرّت وانا اقاسي الويل
نيران قلبي اظنّ ما عاد تطفي = وانا غديت من التعب منهك الحيل
هذي سنة والقلب يقبل ويقفي = والهم في صدري يجيني مع الليل
أخاف وان طال الهيام أستخفّي = ويبهذلوني بالدوا والتحاليل
المصحف الطاهر حملته بكفّي = واقسمت باللّي ساق وبل المخاييل
ذكراك في قلبي واظنّه يكفّي = والصبر مفتاح الفرج مثل ما قيل