كلمة من عندي وبيت شعر من عندك (2)

حسايف كيف صار الحب في دنيا الشقا معدوم= حسايف وين راح الحب حسايف وين وداني
اذا باقي بهالدنيا سواليف وبقايا علوم= أنا برجوك تتركها ولا تزود بها أحزاني
حبيبي وش يقول اللي حياته كل أبوها هموم= سكن في داخله طفل ٍ يتيم ومات وحداني
تعودنا على الغربة وكل اللي حصل مقسوم= دخيل الحب وأيامك دخيلك لا تحراني
عذاب الحب كوم وماجرالي في هواكم كوم= تشوف أحزان هالعالم تراها ربع ماجاني
ألوم الوقت وأيامه حبيبي مايفيد اللوم= رضيت بواقعي هذا رضيت بكل حرماني
ألا ياحظي العاثر ألا ياحظي المشؤوم= علامك والزمن ضدي وقفت بصف عدواني
نسيتي ياالحبيبة أو تناسيتي ياعيب (الشوم) = يهون الحب كيف يهون ياأول وأخر أوطاني
تأكد ماسكن غيرك ترى في قلبي المهموم= ولا غيرك اسولف له عن أهمومي وأشجاني
حسايف وش بقا غير الجروح وعزة المحشوم=حسايف وين راح الحب حسايف وين وداني

،
،
،
،

شروق ..