[ الملحق ]

شاطي النورس

ســلام الله على جده وعلى اللي ساكن جده
...................................... سلام الله على الحمـــراء وشارع مركز الجمجوم

ســـلام الله علــى بحـــرٍ يداعب رملها خده
.................................... ســـلام الله علـــى ليـلٍ يفــوح من الغنــج يشموم

خذتني خطـــوتي لأبحر يهدي الساق وأمده
..........................................ثوانـــي عشتهـــا وأرد الملـــم خطـوتي مهموم

لقيت بشاطـــي النورس مجـــاهيم لهــا مده
........................................ على الشاطـي تجي وتروح بلا داعي ودون لزوم

تشاغــل مستريـــح البــال بقـــدٍ مـــاحدٍ قده
........................................... تبختـرعلـــى المغـــاتيربـــدلال يحـــرق المحروم

أرى ذاك الحـــلال يسيـــر ماحدٍ قادر يحده
......................................... وراء ذيك المـــلاك اللـــي تقــــول وقولها مخدوم

تداري علـى القمر كل ماظهر بيدينها تسده
............................................ مـابين الشمس والقمـرى تلاقـي ليلها مظلوم

علـى يخت الهوى شراع المولّع بيدها تشده
........................................... تغامـــر بالخفـوق اللـي من أسباب الغرام يعوم

عليك اللـــــه يابحـــرٍ يغـــار البــر من مدّه
........................................... علـى جده يغــار البحـر من بر الهوى المسموم

يجيهــا العــابر السـايح شديد والهوى ضده
........................................... يجـي في خـاطره علـمٍ ويرجع في العلوم علوم

إذا قفّت به الخطـــوه ظنون أشــــواقه ترده
..... .................................. وهــو مــابين صداته ورجعـــاته يعــيش حلوم

يبي يرحل .. يبي يجلس وهـو وده ولا وده
................................يباطـي خطـــوته لكـن مــاعنّه وعـن المقسوم

يناظرها بطرفٍ حــاسرٍ فــــاتر وصل حده
................................إذا قفـى عن الحمـراء تذكـر مركـزالجمجوم